བོད་སོག་གཉིས་ཀྱི་ལོ་རྒྱུས་འབྲེལ་བ་ཇེ་དམ།

དེ་ཡང་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་དད་ལྡན་སོག་པོའི་མི་དམངས་གཙོ་བོར་གྱུར་བའི་དད་ལྡན་མི་མང་སྟོང་ཕྲག་འགའ་ཤས་གསུང་ཆོས་དབུ་ཚུགས་གནང་བའི་སྐབས། བོད་སོག་གཉིས་དབར་ལ་ཐོུང་མ་ཡིན་པའི་འབྲེལ་བའི་ལོ་རྒྱུས་ཡོད་པ་དང༌། ད་དུང་ཡང་བོད་སོག་གཉིས་ཀྱི་འབྲེལ་ལམ་མུ་མཐུད་གནས་ཡོད་པ་མ་ཟད། འབྲེལ་བ་དམ་དུ་འགྲོ་གི་ཡོད་པའི་སྐོར་བཀའ་ཕེབས་ཡོད་པ་རེད། དེ་ནི་སོག་པོ་དད་ལྡན་པ་མི་དམངས་ཀྱིས་ཇི་ལྟར་གསོལ་འདེབས་ཞུས་དོན་ལྟར། ཕྱི་ཟླ་བཅིུག་པའི་ཚེས་༢༠ ནས་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་རྒྱལ་བ་སྐུ་ཕྲེང་གསུམ་པས་མཛད་པའི་ལམ་རིམ་གསར་ཤུན་མ་དང༌། ཕྱག་ན་རྡོ་རྗེ་བཀའ་དབང་སྕལ་རྒྱུའི་ཆོས་འབྲེལ་དབུ་ཚུཌ་གནང་སྟེ། ཉིན་གཉིས་རིང་ཆོས་འབྲེལ་བསྐྱང་གནང་རྒྱུ་ཡིན་ཞིང༌། དེ་རིང་ཉིན་དང་པོའི་ཆོས་འབྲེལ་དབུ་འཚུཌ་་མ་གནང་གོང་དེར།  སོག་པོ་དད་ལྡན་བ་མི་གྲངས་༧༠༠ གཙོས་ཨ་རི་དང༌། Vietnam, དབྱིན་ཡུལ། ཀོ་རི་ཡ་སོགས་ནས་ཁྱོན་དད་ལྡན་ཆོས་ཞུ་བ་བཞི་སྟོང་ལྷག་བཅར་བར་ཚོར། ༧གོང་ས་མཆོག་གིས། དེ་སྔ་༡༩༧༩ ལོར་ཐེངས་དང་པོ་སོག་ཡུལ་དུ་ཞབས་སོར་འཁོད་པ་དང༌། སྐབས་དེར་སོག་ཡུལ་དམར་ཤོག་གི་དབང་བསྒྱུར་འོག་གནས་ཏེ་ཆོས་དད་རང་དབང་མི་འདུག་ཀྱང༌། སྐབས་དེ་དུས་མི་དམངས་ཀྱི་སེམས་ནང་ནང་ཆོས་ལ་ཧ་ཅང་གི་དད་པ་ཆེན་པོ་གནས་ཡོད་པ་དང༌། ༧གོང་ས་མཆོག་ལའང་དད་གུས་ཆེན་པོ་ཞུ་གི་འདུག དེ་རྗེས་སོག་པོར་རང་དབང་བྱུང་བའི་རྗེས་ཐེངས་འགའ་ཤས་སོག་ཡུལ་དུ་ཆིབས་བསྒྱུར་བསྐྱང་གནང་སྟེ། ལོ་ངོ་སྟོང་ཕྲག་མང་པོའི་ལོ་རྒྱུས་ལྡན་པའི་བོད་སོག་གཉིས་དབར་གྱི་འབྲེལ་བ་བསྐྱར་གསོ་བྱུང་བ་མ་ཟད། འབྲེལ་བ་དམ་དུ་ཕྱིན་ཡོད་པ་རེད་ཅེས་བཀའ་ཕེབས་ཡོད་པ་རེད། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས། སོག་པོའི་སྐད་ཡིག་ཐོག་ལ་དྲ་རྒྱ་ཞིག་གི་དབུ་འབྱེད་གནང་ཡོད་པ་དང༌། དྲ་རྒྱ་དེའི་ནང་ལ་ན་ནིང་ལོར་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་སོག་ཡུལ་དུ་ཆིབས་བསྒྱུར་སྐབས་གསུང་ཆོས་སྕལ་བ་ཁག་གཟིགས་རྒྱུ་ཡོད་པ་དང༌། དྲ་རྒྱ་དེ་བལྟ་ཀློག་བྱེད་མཁན་ཚོར་༧གོང་ས་མཆོག་གིས་ནང་ཆོས་དང༌། ཁོར་ཡུག ཚན་རིག འགྲོ་བ་མིའི་ཡོན་ཏན། ཞི་བདེ་དང་འཚེ་མེད་ཞི་བའི་སྐོར་སོགས་བཀའ་སློབ་སྕལ་བ་གཟིགས་རྒྱུར་ཕན་ཐོགས་སྐྲུན་གནང་མཛད་ཡོད་པ་རེད། ༧གོང་ས་མཆོག་ནས་ཀྱང་སོག་པོའི་སྐད་ཡིག་ཐོག་དྲ་རྒྱ་ཞིག་མཐུན་འགྱུར་སྐྲུན་ཐུབ་པ་དེ་ཡིས། སོག་པོ་མི་དམངས་ཚོར་ཕན་ཐོགས་ཡོང་བའི་ཐུགས་རེ་གནང་གི་ཡོད་པའི་བཀའ་ཕེབས་ཡོད་པ་རེད།