ཆོས་རྒྱལ་ལགས་གློད་བཀྲོལ།

༄༅།    །དེ་ཡང་༢༠༡༡་ལོར་དཀར་མཛེས་རྫོང་ཐོག་ཏུ་བསོད་ནམས་ཆོས་རྒྱལ་ལགས་དང་།  བསོད་ནམས་ཉི་མ་ལགས་གཉིས་ནས་བོད་ལ་རང་དབང་དགོས་ཞེས་ཞི་བའི་སྐད་འབོད་ཀྱི་ངོ་རྒོལ་གནང་སྐབས་རྒྱ་ནག་གི་ཉེན་རྟོག་པས་ཁོང་གཉིས་འཛིན་བཟུང་བྱས་ནས།  དཀར་མཛེས་རྫོང་འབྲིང་རིམ་མི་དམངས་ཁྲིམས་ཁང་གིས་བསོད་ནམས་ཆོས་རྒྱལ་ལགས་སུ་རྒྱལ་ཁབ་ཁ་བྲལ་གྱི་ཉེས་མིང་བཙུགས་ནས་ལོ་གསུམ་གྱི་ཁྲིམས་ཐག་བཅད་དེ།   ཁྲིན་ཏུའུ་གྲོང་ཁྱེར་གྱི་ཉེ་མཁྲིས་སུ་ཡོད་པའི་མན་ཡངས་བཙོན་ཁང་ནང་བཙོན་འཇུག་བྱས་ཡོིད་པ་རེད།  ཁོང་གི་བཙོན་འཇུག་ཁྲིམས་ཐག་གི་དུས་ཡུན་ཟླ་བ་བདུན་ཙམ་གྱི་མ་ཚང་གོང་།  ཟླ་བ་འདིའི་ཚེས་༧ཉིན་གློད་བཀྲོལ་བཏང་འདུག ཁོང་གི་བཙོན་འཇུག་ཁྲིམས་ཐག་གི་དུས་ཡུན་མ་ཚང་གོང་གློད་གྲོལ་གཏོང་དགོས་པའི་རྒྱུ་མཚན་ཤེས་རྟོགས་མ་བྱུང་ཞེས་གནས་ཚུལ་མཁོ་སྤྲོད་པས་གསུངས་ཀྱི་འདུག།