ཀརྨ་མཆོག་གིས་ཛ་དྲག་འབོད་སྐུལ་གནང་བ།

བོད་ནང་གི་ཁོར་ཡུག་ལ་གནོད་འཚེ་ཆེན་པོ་ཐེབས་བཞིན་པར་རྒྱ་གར་གཞུང་གིས་སེམས་ཚབས་ཡོད་པའི་རྣམ་འགྱུར་སྟོན་དགོས་པའི་ཛ་དྲག་གི་འབོད་སྐུལ་གནང་འདུག

དེ་ཡང་ཀརྨ་པ་མཆོག་གིས་རྒྱ་གར་རྒྱལ་ས་ལྡི་ལིའི་ནང་ཕ་རན་སི་གསར་ལས་ཁང་གིས་བཀའ་འདྲིར་ལན་འདེབས་གནང་སྐབས། རྒྱ་ནག་གཞུང་གིས་བོད་ལ་དབང་བསྒྱུར་བྱས་བའི་ལོ་ངོ་ལྔ་བཅུ་ལྷག་ཙམ་རིང་། བོད་ནང་འཛུགས་བསྐྲུན་འཕེལ་རྒྱས་ཀྱི་ལས་གཞི་དང་། དེ་བཞིན་དམག་དོན་གྱི་ལས་གཞི་མང་པོ་ཞིག་སྤེལ་བཞིན་པ་དེ་ཚོས་བོད་ཀྱི་ཁོར་ཡུག་ལ་གནོད་ཚབ་ཆེན་པོ་བཟོས་ཡོད་ཅིང་། རྒྱ་ནག་གཞུང་གིས་བོད་ལ་དབང་བསྒྱུར་བྱས་ནས་བོད་ཀྱི་ཁོར་ཡུག་གནས་སྟངས་ལ་མ་གཞིགས་པར་གང་བྱུང་གིས་འཛུགས་སྐྲུན་འཕེལ་རྒྱས་ལས་གཞི་སྤེལ་ནས། བོད་ཀྱི་ཁོར་ཡུག་གནོད་ཚབ་བཟོ་བའི་ཐོབ་ཐང་མེད་པ་རེད་ཅེས་དང་། ད་དུང་ཀརྨ་པ་མཆོག་ནས་བོད་ནང་དེང་སྐབས་དམིགས་བསལ་གཏེར་ཁ་སྔོག་འདོན་དང་། ཆུ་རག་རྒྱག་པ་སོགས་ཀྱི་ལས་གཞི་ཤུགས་ཆེ་སྤེལ་བཞིན་པ་སོགས་ཀྱིས་བོད་ཀྱི་ཁོར་ཡུག་ཙམ་མ་ཟད་།  ཨེ་ཤེ་ཡའི་ཡུལ་གྲུ་མང་པོའི་ཁོར་ཡུག་ལ་གནོད་ཚབ་ཆེན་པོ་བཟོ་གི་ཡོད་པ་རེད། དེར་བརྟེན་རྒྱ་གར་གཞུང་དང་བོད་དབར་གྱི་འབྲེལ་ལམ་དེ་ཧ་ཅང་ཟབ་མོ་ཡིན་པས། གནད་དོན་དེ་ཚོའི་ཐོག་རྒྱ་གར་གཞུང་གིས་རྒྱ་ནག་ཕྱོགས་སུ་ཐུགས་ཚབས་ཡོད་པའི་རྣམ་འགྱུར་སྟོན་གནང་དགོས་པའི་ཛ་དྲག་འབོད་སྐུལ་གནང་འདུག