འབྲས་ལྗོངས་པས་ཀརྨ་པར་རྒྱབ་སྐྱོར་ཞུ་ཆེད་ལྡི་ལིར་ཕེབས་ཐོན།

༄༅༎དཔལ་རྒྱལ་དབང་ཀརྨ་པ་རིན་པོ་ཆེ་མཆོག་ལ་གདུང་སེམས་མཉམ་སྐྱེད་དང་རྒྱབ་སྐྱོར་ཞུ་རྒྱུ་དང་རྒྱ་གར་གྱི་གསར་འགྱུར་བརྒྱུད་ལམ་ཁག་གིས་རིན་པོ་ཆེ་མཆོག་ལ་འཆལ་གཏམ་སྤེལ་བ་ཁག་གིས་འཛམ་གླིང་ནང་གི་ནང་པ་ཡོངས་ཀྱི་སེམས་ལ་ཕོག་ཐུག་གཏོང་གི་ཡོད་སྟབས། དེར་ངོ་རྒོལ་གནང་ཕྱིར་འབྲས་ལྗོངས་ནས་གྲ་བཙུན་དབུས་པས་མི་གྲངས་༤༢༥་རྒྱ་གར་གྱི་རྒྱལ་ས་ལྡི་ལིའི་ཕྱོཌ་སུ་ཕེབས་ཐོན་གནང་འདུག  ཀརྨ་པ་སྣེ་ལེན་ཚོཌ་ཆུང་གི་མགྲིན་ཚབ་ཐུཌ་མཆོག་ལ་ཆུང་པ་ལཌ་ཀྱིས་རྒྱལ་ས་ལྡི་ལིའི་ནང་དཔལ་རྒྱལ་དབང་ཀརྨ་པ་རིན་པོ་ཆེ་མཆོག་ལ་རྒྱབ་སྐྱོར་ཞུ་མཁན་རུ་ཁག་གཅིག་ཡོད་བཞིན་པ་རྣམས་ལ་རྒྱབ་སྐྱོར་ཞུ་རྒྱུའི་སླད་དུ་གོང་ཞུས་མི་སྣ་དེ་དག་འབྲས་ལྗོངས་ནས་ལྡི་ལིར་ཕེབས་ཐོན་གནང་སྐོར་ཁ་ས་འབྲས་ལྗོངས་མངའ་སྡེའི་རྒྱལ་ས་སྒང་ཏོག་ནང་གསར་འགོད་ལྷན་ཚོཌ་ཤིག་ཐོག་གསུངས་འདུག་ལ། ཡང་ཁོང་གིས་རྒྱལ་དབང་ཀརྨ་པའི་ཡང་སྲིད་ཀྱི་གནད་དོན་ཞེས་པ་དང་ཉེ་དུས་ཚུར་ཕུ་བླ་བྲང་ནས་དངུལ་ཐོན་པ་དེ་གཉིས་འབྲེལ་བ་རྩ་བ་ནས་མེད་པའི་གནད་དོན་ཐ་དད་གཉིས་ཡིན་པ་དང་ཀརྨ་པ་སྐུ་ཕྲེང་བཅུ་བདུན་པ་ཆེན་པོ་མཆོག་ནི་ཨོ་རྒྱན་འཕྲིན་ལས་རྡོ་རྗེ་མཆོག་ཡིན་སྐོར་གསུངས་འདུག ཁོང་གིས་དཔལ་རྒྱལ་དབང་ཀརྨ་པ་རིན་པོ་ཆེ་མཆོག་ལ་གཞི་མེད་སྐྱོན་འཛུཌ་ཞུས་པའི་སྐབས་འདིར་འབྲས་ལྗོངས་མི་མང་རྣམས་ཀྱིས་རང་གི་ཆོས་ཕྱོཌ་ཀྱི་དབུ་ཁྲིད་མཆོག་ལ་རྒྱབ་སྐྱོར་ཆ་ཚང་ཞུ་བཞིན་པ་ཡིན་སྐོར་དང་རིན་པོ་ཆེ་མཆོག་དགོན་པའི་ཕྱག་དངུལ་དོ་དམ་གནང་ཕྱོཌ་ལ་ཐད་ཀར་འབྲེལ་བ་གང་ཡང་མེད་པ་དང་ཀརྨ་པ་མཆོག་གི་སློབ་མ་འཛམ་གླིང་ཡོངས་ལ་ཁྱབ་ཡོད་པ་ལྟར། རྒྱ་ནག་ལ་ཡང་ཡོད་པ་དང་རྒྱ་གར་གྱི་ཉེན་རྟོག་པར་ལག་སོན་པའི་དངུལ་ཁག་སློབ་མ་རྣམས་ཀྱིས་རིན་པོ་ཆེ་མཆོག་ལ་བསྡོ་སྨོན་དང་ཞལ་འདེབས་སོཌ་ཕུལ་བ་ཡིན་ལུཌ་གསལ་བཤད་གནང་འདུག