དགའ་ལྡན་ཁྲི་ཐོག་༡༠༣་པ་མཆོག་དགོངས་པ་རྫོགས་འདུག
2017.04.22
འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༣ པ་རྗེ་བཙུན་བློ་བཟང་བསྟན་འཛིན་རིན་པོ་ཆེ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་གནས་ཚུལ་ཐོན་འདུག
དགའ་ལ྄ྡན་ཁྲི་པ་མཆོག་གི་ངོ་དེབ།
༄༅། །འཇམ་མགོན་རྒྱལ་བའི་རྒྱལ་ཚབ་དགའ་ལྡན་ཁྲི་ཐོག་ ༡༠༣ པ་རྗེ་བཙུན་བློ་བཟང་བསྟན་འཛིན་རིན་པོ་ཆེ་མཆོག་དགོངས་པ་ཆོས་དབྱིངས་སུ་ཐིམ་ཚུལ་བསྟན་པའི་གནས་ཚུལ་ཐོན་འདུག
རིན་པོ་ཆེ་མཆོག་ཡུན་རིང་སྙུང་གཞི་བཞེས་ཀྱིས་རྒྱ་གར་གྱི་རྒྱལ་ས་ལྡི་ལིའི་ Max སྨན་ཁང་ནང་ཁ་སང་ཕྱི་ཟླ་ ༤ ཚེས་ ༢༡ རྒྱ་གར་གྱི་མཚན་མོའི་ཚོུད་ ༡༡ དང་སྐར་མ་ ༤༥ ཐོག་དགོངས་པ་རྫོགས་འདུག
དགའ་ལྡན་ཁྲི་ཐོག་ ༡༠༢ པ་སྐྱབས་རྗེ་རི་རྫོང་རྒྱལ་སྲས་རིན་པོ་ཆེ་མཆོག་དགོང་ཞུ་བཀའ་ཁྲོལ་རྗེས། ༧གོང་ས་༧སྐྱབས་མགོན་ཆེན་པོ་མཆོག་ནས་སྐབས་དེ་དུས་ཀྱི་ཤར་པ་ཆོས་རྗེ་རྗེ་བཙུན་བློ་བཟང་བསྟན་འཛིན་མཆོག་ལ་སྔ་ལོ་ ཕྱི་ཟླ་ ༡༠ ཚེས་ ༡༩ ཉིན་དགའ་ལྡན་ཁྲི་ཐོག་ ༡༠༣ པར་བསྐོ་སྩལ་ཕྱག་རྟགས་ཕེབས་ཅིང་། ཕྱི་ཟླ་ ༡༡ ཚེས་ ༥ ཉིན་ཁྲི་གསོལ་ཞུས་ཡོད་པ་རེད།
ཕྱི་ཟླ་ ༣ ཚེས་ ༣༡ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་དགའ་ལྡན་ཁྲི་རིན་པོ་ཆེ་སྨན་བཅོས་གནང་ཡུལ་ལྡི་ལིའི་ Max སྨན་ཁང་དུ་ཆེད་ཕེབས་ཀྱིས། རིན་པོ་ཆེ་མཆོག་ལ་མཇལ་ཁ་བཀའ་སློབ་བསྩལ་གནང་མཛད་ཡོད་པ་རེད།
དགའ་ལྡན་ཁྲི་ཐོག་ ༡༠༣ པ་རྗེ་བཙུན་བློ་བཟང་བསྟན་འཛིན་རིན་པོ་ཆེ་མཆོག་ནི་ཕྱི་ལོ་ ༡༩༣༧ ལོར་ ཁམས་ཡ་རར་སྐུ་འཁྲུངས་ཞིང་། ས་གནས་དེའི་ནང་གི་ཡ་ར་དགོན་པར་སྐུ་ཆུང་དུས་སྐབས་ཆོས་ཞུགས་གནང་རྗེས། དགུང་ལོ་ ༡༦ ཐོག་འབྲས་སྤུངས་བློ་གསལ་གླིང་གྲྭ་ཚང་དུ་ཆོས་ཞུགས་ཀྱིས་གཞུང་ཆེན་ཁག་ལ་གསན་བསམ་རྒྱ་ཆེ་གནང་པ་དང་། ཁོང་ནི་དགེ་ལུགས་པའི་ནང་ཡོངས་སུ་གྲགས་པའི་མཁས་པ་ཆེན་པོ་ཞིག་ལ་ངོས་འཛིན་ཞུ་བཞིན་ཡོད་པ་རེད།
ཕྱི་ལོ་ ༡༩༥༩ ལོར་བཙན་བྱོལ་དུ་ཕེབས་རྗེས་གཞུང་ཆེན་ཁག་གི་སློབ་གཉེར་མུ་འཐུད་གནང་པར་མ་ཟད། རྒྱ་གར་ལྷོ་ཕྱོགས་མོན་གྷོ་འདོད་རྒུ་གླིང་གཞིས་ཆགས་ནང་ཡོད་པའི་བྱེས་ཀྱི་གདན་ས་འབྲས་སྤུངས་བློ་གསལ་གླིང་གྲྭ་ཚང་གི་དགེ་བསྐོས་དང་དཔེ་ཁྲིད་དགེ་རྒན་སོགས་ཀྱི་ཐུགས་འགན་བཞེས་འདུག་ལ། དགེ་བཤེས་ལྷ་རམ་པ་དང་སྔགས་རམ་པའི་མཚན་རྟགས་བཞེས་རྗེས། གསང་ཆེན་རྒྱུད་སྟོད་གྲྭ་ཚང་གི་བླ་མ་དབུ་མཛད་དང་དེ་རྗེས་ལོ་གསུམ་རིང་རྒྱུད་ཀྱི་མཁན་པོ་ཡང་གནང་ཡོད་པ་རེད།
ཕྱི་ལོ་ ༢༠༠༣ ལོར་གནས་མཆོག་རྡོ་རྗེ་གདན་དུ་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་ཤར་པ་ཆོས་རྗེར་བསྐོ་བཞག་སྩལ་ཡོད་ཅིང་།
དགའ་ལྡན་ཁྲི་པ་ནི་དགེ་ལུགས་ཀྱི་བསྟན་བདག་རྗེ་རིན་པོ་ཆེ་བློ་བཟང་གྲགས་པ་མཆོག་གི་ཁྲི་འཛིན་པ་དེ་ཡིན་ཞིང་། དགའ་ལྡན་ཁྲི་པའི་ལོ་ཡུན་ནི་ལོ་བདུན་ཡིན་པ་རེད། འདས་པའི་དགའ་ལྡན་ཁྲི་པ་རིམ་བྱོན་གྱི་ཁོངས་སུ་༧རྒྱལ་བ་༧སྐུ་ཕྲེང་འགའ་ཤས་ཀྱི་ཡོངས་འཛིན་གནང་མཁན་རིགས་བྱུང་ཡོད་ལ། བོད་ཀྱི་རྒྱལ་ཚབ་གནང་མཁན་ཡང་བྱུང་ཡོད་པ་རེད།
ཕྱག་སྲོལ་ལྟར་ན་དགའ་ལྡན་ཁྲི་ཐོག་ ༡༠༤ པར་ད་ལྟའི་བྱང་རྩེ་ཆོས་རྗེ། སེ་ར་བྱེས་ཀྱི་རྗེ་བཙུན་བློ་བཟང་བསྟན་འཛིན་མཆོག་ཕེབས་རྒྱུ་ཡིན་པ་རེད།
འགོད་པ་འགན་འཛིན་གཞོན་པ་སྐལ་ལྡན་བློ་གྲོས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- བོད་མིའི་སྒྲིག་འཛུགས་ཀྱི་སྲིད་སྐྱོང་མཆོག་གིས་ཨ་རིར་གཞུང་འབྲེལ་ཕྱོགས་ཕེབས་དང་འབྲེལ་ཨ་རིའི་བོད་དོན་དམིགས་བསལ་འབྲེལ་མཐུད་པ་བསྐོ་གཞག་དགོས་པའི་འབོད་སྐུལ་ཞུས་འདུག
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
- ཌེ་ལྦེཌ་པར་ཌུ་ལགས་ཨ་རིའི་རྒྱ་ནག་གི་གཞུང་ཚབ་ཆེན་མོར་བསྐོ་གཞག་གནང་གཏན་འཁེལ་འདུག
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག