གསར་འགྱུར་ཡིག་ཚགས།
2025-03-04
ཨ་རིའི་ཕྱི་སྲིད་ལས་ཁུངས་ཀྱིས་གོ་སྒྲིག་འོག་ཨ་རིའི་ཕྱི་སྲིད་ལས་ཁུངས་ཀྱི་ཚོགས་ཁང་ཞིག་ཏུ་བོད་རྒྱལ་ལོ་ ༢༡༥༢ ཤིང་སྦྲུལ་ལོའི་བོད་ཀྱི་ལོ་གསར་སྲུང་བརྩི་ཞུས་སོང་། འདི་ནི་ཨ་རིའི་སྲིད་འཛིན་ཌོ་ནལཌི་ཊམཔ་ (Donald Trump) མཆོག་འདི་ལོའི་ཕྱི་ཟླ་ ༡ ཚེས་ ༢༠ ཉིན་སྲིད་འཛིན་ལས་ཡུན་གཉིས་པའི་དམ་འབུལ་གནང་པའི་རྗེས་སུ་ཨ་རིའི་གཞུང་གིས་བོད་ཀྱི་ལོ་གསར་སྲུང་བརྩི་ཞུས་པ་ཐོག་མར་དང་། ཨ་རིའི་ཕྱི་སྲིད་ལས་ཁུངས་སུ་བོད་ཀྱི་ལོ་གསར་སྲུང་བརྩི་ཞུས་པ་ཐེངས་ ༡༡ པ་དེ་ཆགས་ཡོད་པ་རེད།
2025-03-04
བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་ཀྱིས་རྒྱ་གར་ལྷོ་ཕྱོགས་སྦེ་ལ་ཀོ་པི་ལུགས་ཟུང་བསམ་གྲུབ་གླིང་དང་བདེ་སྐྱིད་སླར་གསོ་གཞིས་ཁུངས་གཉིས་དང་ཧོན་སུར་བཅས་སུ་ཉིན་གྲངས་ ༢༠ ་རིང་འཚམས་གཟིགས་འགྲུབ་སྟེ་བཞུགས་སྒར་དུ་ཕེབས་ཐོན་གནང་ཡོད་པ་རེད།
2025-03-04
ཨ་མི་རི་ཀའི་གཞུང་འཛིན་གསར་པའི་ངོས་ནས་རྒྱ་ནག་གཞུང་གིས་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་ལྷན་འབྲེལ་མོལ་བསྐྱར་གསོ་གནང་དགོས་པའི་སྐུལ་མ་དང་། ཨ་མི་རི་ཀའི་གཞུང་གིས་སྔར་མུས་བཞིན་བོད་དོན་རྒྱབ་སྐྱོར་གྱི་སྲིད་ཇུས་ལ་འགྱུར་བ་མེད་སྐོར་བསྐྱར་ནན་གྱིས་གསུངས་པར་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་ལགས་དང་། བཙན་བྱོལ་ནང་གི་བོད་ཀྱི་གཞུང་འབྲེལ་མིན་པའི་ཚོགས་སྡེ་ཆེ་ཁག་ནས་དགའ་བསུའི་ཐུགས་རྗེ་ཆེ་ཞུས་པ་ཆབས་ཅིག་ཏུ་འབྱུང་འགྱུར་མུ་འཐུད་ནས་རྒྱབ་སྐྱོར་གནང་བའི་རེ་བ་གནང་བཞིན་འདུག
