རྒྱ་ནག་གི་བཙན་འཛུལ་ལ་ངོ་རྒོལ།

༄༅༎ཉེ་ལམ་རྒྱ་གར་རྒྱལ་ཡོངས་ཉིན་རེའི་གསར་ཤོག་དང་བརྒྱུད་ལམ་ཁག་གི་ནང་རྒྱ་ནག་གི་དཔུང་དམག་རྒྱ་གར་གྱི་ས་ཐོག་ཏུ་བཙན་འཛུལ་བྱས་ཏེ་དམག་གུར་བརྒྱབ་ནས་བསྡད་ཡོད་པའི་སྐོར་གྱི་གནས་ཚུལ་ཐོན་རྗེས་རྒྱ་གར་གྱི་མཐའ་མཚམས་ཁུལ་གྱི་ཡུལ་མི་རྣམས་ནས་ངོ་རྒོལ་གྱི་ལས་འགུལ་སྤེལ་ཡོད་པ་བཞིན་ཕྱི་ཟླ་༤ཚེས་༣༠རེས་གཟའ་མིག་དམར་གྱི་བཞུགས་སྒར་དྷ་རམ་ས་ལར་རྒྱ་གར་གྱི་ཆབ་སྲིད་ཚོགས་པ་སྦི་ཇེ་པིའི་ན་གཞོན་རུ་ཁག་དང༌།ལ་དྭགས་སློབ་ཕྲུགདེ་བཞིན་བཙན་བྱོལ་ནང་གི་བོད་རང་བཙན་སློབ་ཕྲུག་ཚོགས་ཐུན་མོང་ནས་རྒྱ་ནག་གི་དཔུང་དམག་རྣམས་ཕྲལ་དུ་ཕྱིར་ལོག་དགོས་པའི་ངོ་རྒོལ་སྐད་འབོད་ཀྱི་ལས་འགུལ་སྤེལ་བའི་སྐོར་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་རྡོ་གཅོད་བསྟན་འཛིན་དབང་རྒྱལ་ལགས་ནས་གནས་ཚུལ་བཏང་འབྱོར་བྱུང་བར་གསན་རོགས༎