ເຍົາວະຊົນ ແຂວງບໍ່ແກ້ວ ຕິດຢາບ້າ
2008.10.13
ນອກນັ້ນ ຍັງມີຜູ້ຕິດຢາບ້າ ຈໍານວນຫລາຍຄົນ ໃນເຂດເທດສະບານ ເມືອງບໍ່ແກ້ວ ທີ່ຍັງ ບໍ່ສາມາດປິ່ນປົວ ຫລື ບໍາບັດ ໃຫ້ຫາຍດີໄດ້, ຕາມທີ່ເຈົ້າໜ້າທີ່ລາວ ໄດ້ອະທິບາຍ ໃຫ້ຊາບ:
“ສ່ວນມາກ ຈະແມ່ນ ຢາບ້າ ສ່ວນມາກ ຈະເປັນວັຍນຸ່ມ ອາຍຸ ປະມານ 10 ກ່ວາ-20 ກ່ວາ. ດຽວນີ້ ກໍມີການຄວບຄຸມ ກັນຢູ່, ແຕ່ວ່າ ພະຍາຍາມ ໃຊ້ ກ່ຽວກັບສື່ ການໂຄສະນາ. ເຈົ້າໜ້າທີ່ ກໍາລັງ ກໍາຈັດ ແລະ ກວດເຂັ້ມ ກັນຢູ່. ສ່ວນໃຫ່ຽ ກໍຍັງຢູ່ ສ່ວນເລັກນ້ອຍ ກໍເລັດລອດໄປ.”
ທ່ານວ່າ ໃນຈໍານວນ ຜູ້ຕິດຢາບ້າ ນັ້ນ ບໍ່ມີພຽງແຕ່ ເຍົາວະຊົນ ເທົ່ານັ້ນ, ແຕ່ຍັງມີ ທັງກໍາມະກອນ ຜູ້ໃຊ້ ແຮງງານໜັກ ອີກດ້ວຍ. ໃນສະຖານທີ່ ບໍາບັດ ຜູ້ຕິດຢາບ້ານີ້ ຍັງມີຜູ້ຕິດ ຢາບ້າ ຫລາຍທີ່ສຸດ ທີ່ ຕ້ອງການ ປິ່ນປົວ ໃຫ້ດີ, ແຕວ່າ ທາງສູນ ບໍາບັດ ຂາດເຂີນ ງົປມານຫລາຍ.
“ດຽວນີ້ ມີເຢິະ ປະມານ 100-200 ກ່ວາ ສະເພາະ ໃນເທດສະບານ 10 ກ່ວາ ໝູ່ບ້ານ ເນື່ອງຈາກວ່າ ກ່ຽວກັບ ທືນ ທີ່ໃຫ້ຜູ້ເຂົ້າ ບໍາບັດນັ້ນ ມັນບໍ່ພຽງພໍ ມີນ້ອຍ ເກີນໄປ.”
ໃນຈໍານວນ ທີ່ຜ່ານການ ບໍາບັດນັ້ນ ບາງຄົນ ກໍຕັດສີນໃຈໄດ້, ບາງຄົນ ກໍຕັດສີນໃຈ ບໍ່ໄດ້ ຫລື ວ່າເລີກກິນຢາບ້າແລ້ວ ຍັງຫວນກັບມາກິນ ຄືນອີກ. ກໍາມະກອນ ຜູ້ໃຊ້ ແຮງງານໜັກ ມັກຈະຕິດ ຢາບ້າ ເນື່ອງຈາກວ່າ ຫລັງຈາກ ທີ່ເຂົາເຈົ້າ ກິນຢາບ້າ ເຂົ້າໄປແລ້ວ ເຂົາຮູ້ສືກວ່າ ມີກໍາລັງ ແຂງແຮງ, ແຕ່ວ່າເມື່ອຕິດຢາບ້າແລ້ວ ເຂົາຕ້ອງ ເປັນຂ້ອຍຂ້າຢາບ້າ ຕລອດໄປ ແລະ ໃນທີ່ສຸດ ຈະເປັນຄົນເສັຽເສັ້ນປະສາດ.