သတင်းနှင့် ဆောင်းပါးများ သိုမှီးရေးစနစ်
2011-02-28
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးကိုယ်စားလှယ် မစ္စတာ ကင်တားနားက မြန်မာပြည်သူတွေ ခံစားနေရတဲ့ လူ့အခွင့်အရေး ချိုးဖောက်ခံရတဲ့ ဖြစ်ရပ်တွေကို နားထောင်ဖို့ သူ အမြဲ အဆင်သင့် ဖြစ်နေပါတယ်လို့ RFA နဲ့ ဆက်သွယ် မေးမြန်းခန်းမှာ ပြောဆိုသွားပါတယ်။
2011-02-28
ဖေဖော်ဝါရီ ၂၇ ရက်၊ တနင်္ဂနွေနေ့ည ၇ နာရီ ဝန်းကျင်က ရန်ကုန်မြို့ အင်းစိန်မြို့နယ်မှာ ဗုံးပေါက်ကွဲမှု ဖြစ်ပွားခဲ့ပါတယ်။ ကမ်းနားလမ်း၊ အောင်ဇေယျ အိမ်ရာအနီးက ကွမ်းယာဆိုင် တဆိုင်မှာ ကွမ်းလာဝယ်သူ တဦးရဲ့ အိတ်ထဲက ပေါက်ကွဲခဲ့တာ ဖြစ်ပါတယ်။
2011-02-28
ကရင်ပြည်နယ်အတွင်း စစ်အစိုးရတပ်တွေရဲ့ တရားမဲ့ပြုကျင့်မှုတွေ ရပ်ဆိုင်းသွားစေဖို့ ကရင်လူထု ၈ သောင်းကျော် လက်မှတ် ရေးထိုးထားတဲ့ တောင်းဆိုစာတစောင်ကို ကုလသမဂ္ဂ အတွင်းရေးမှူးချုပ်နဲ့ တကွ ဗြိတိန်နဲ့ သြစတြေးလျ ဝန်ကြီးချုပ် အပါအဝင် ကမ္ဘာ့ခေါင်းဆောင်တွေဆီကို ဖေဖော်ဝါရီ ၂၈ ရက် ဒီကနေ့ ပေးပို့လိုက်ပါတယ်။
2011-02-28
ချက်ပြည်သူ့ သမတနိုင်ငံ နိုင်ငံခြားရေးဝန်ကြီး မစ္စတာ ခရဲလ် ဆွာစင်ဘာ့ဂ်နဲ့ ဒေါ်အောင်ဆန်းစုကြည် ဒီကနေ့ ဖေဖော်ဝါရီ ၂၈ ရက် ညနေပိုင်းက တယ်လီဖုန်းကတဆင့် ဆွေးနွေးမှုတွေလုပ်တယ်လို့ စုံစမ်းသိရှိရပါတယ်။
2011-02-27
လူထု ဆန္ဒပြပွဲတွေကို အကြမ်းဖက် ပစ်ခတ်နှိမ်နင်းနေတဲ့ လစ်ဗျားအာဏာပိုင်တွေကို ဒဏ်ခတ်အရေးယူဖို့ ကုလသမဂ္ဂ လုံခြုံရေးကောင်စီ အဖွဲ့ဝင်နိုင်ငံတွေ တညီတညွတ်တည်း ဆုံးဖြတ်ချက် ချမှတ်လိုက်ပါပြီ။
2011-02-27
နိုင်ငံရေးပါတီ ၁ဝ ဖွဲ့ ပေါင်းစည်းထားတဲ့ ဒီမိုကရေစီ မိတ်ဆွေပါတီများက နိုင်ငံရေးအကျဉ်းသားတွေ လွှတ်ပေးဖို့နဲ့ ပြည်ပရောက် မြန်မာနိုင်ငံသားတွေ မြန်မာနိုင်ငံ ပြန်ခွင့်ပေးဖို့ အထွေထွေ လွတ်ငြိမ်းချမ်းသာခွင့် ဥပဒေတရပ် ပြဋ္ဌာန်းပေးဖို့ တောင်းဆိုလိုက်ပါတယ်။
2011-02-27
H1N1 ကြက်ငှက်တုပ်ကွေး ဗိုင်းရပ်စ် တွေ့ရှိတယ်ဆိုတဲ့ သတင်းတွေကြောင့် မြန်မာနိုင်ငံ စစ်တွေခရိုင်နဲ့ အိန္ဒိယနိုင်ငံ တြိပူရ ပြည်နယ်က ကြက်သားနဲ့ ကြက်ဥတွေကို အိန္ဒိယနိုင်ငံ မီဇိုရမ်ပြည်နယ်ထဲ တင်သွင်းခွင့် မနေ့ကစပြီး ပိတ်ပင်လိုက်တယ်လို့ သိရပါတယ်။
2011-02-27
အခုတပတ် ဦးခင်မောင်ညိန်း စီစဉ်တင်ဆက်တဲ့ တနင်္ဂနွေ စကားဝိုင်း အစီအစဉ်မှာ မြန်မာနိုင်ငံအပေါ် အနောက်နိုင်ငံတွေက ချမှတ်ထားတဲ့ ဒဏ်ခတ်ပိတ်ဆို့မှုတွေ ရှိသင့်မရှိသင့် ကိစ္စကို ဆွေးနွေးထားကြပါတယ်။
2011-02-26
တူနီးရှားနဲ့ အီဂျစ်နိုင်ငံမှာ ငြိမ်းချမ်းတဲ့ လူထုဆန္ဒပြပွဲတွေနဲ့ အစိုးရတွေ ဖြုတ်ချ လိုက်တာကို မြန်မာပြည်သူတွေ မျက်ခြေမပြတ် စောင့်ကြည့်နေကြ တယ်လို့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်က မလေးရှားသတင်းထောက် တွေကို တယ်လီဖုံးနဲ့ ပြောကြားသွားပါတယ်။
2011-02-26
ပြီးခဲ့တဲ့ ရက်ပိုင်းအတွင်း မြန်မာနိုင်ငံကို သွားရောက်ခဲ့တဲ့ ILO ဒု ညွှန်ကြား ရေးမှူးချုပ် Mr. Guy Ryder နဲ့ ကိုယ်စားလှယ်အဖွဲ့ဟာ မြန်မာနိုင်ငံ အလုပ်သမားသမဂ္ဂများအဖွဲ့ချုပ် FTUB နဲ့ ဘန်ကောက်မြို့မှာ ဒီကနေ့ တွေ့ဆုံဆွေးနွေးခဲ့တယ် လို့ သိရပါတယ်။
2011-02-26
ပြည်တွင်း စပါးအထွက် ကျဆင်းမှုနဲ့ ကုန်သည်ကြီးတွေ အလုအယက် ဆန်ဝယ်ယူ စုဆောင်းမှုကြောင့် ဆန်ဈေးတွေ တက်နေချိန်မှာပဲ ဖေဖော်ဝါရီလ ၂၄ ရက်နေ့ကစပြီး မြန်မာအစိုးရ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာနက ပြည်ပ ဆန်တင်ပို့ခွင့်ကို ပိတ်ပင်လိုက်ပါတယ်။
2011-02-25
ဒီတပတ် လူထုနဲ့ ဒေါ်အောင်ဆန်းစုကြည် အစီအစဉ်မှာ `ကျမတို့ကတော့ ဒီမိုကရေစီနဲ့ လူ့အခွင့်အရေးရဖို့ ကြိုးပမ်းတဲ့ နေရာမှာ အကြမ်းမဖက်ပဲလုပ်မယ်လို့ သန္နိဋ္ဌာန် ချထားပါတယ်၊ ဒါက အကြမ်းမဖက်တဲ့လမ်းက လွယ်ကူလို့ မဟုတ်ပါဘူး။ မြန်မာနိုင်ငံမှာ နိုင်ငံရေးအပြောင်းအလဲတွေကို အကြမ်းဖက်တဲ့နည်း၊ လက်နက်နည်းနဲ့ လုပ်မှ ဖြစ်မယ်ဆိုတဲ့ အမြင်ကို ပြောင်းလဲချင်လို့ပါ` ဆိုတဲ့ ဒေါ်အောင်ဆန်းစုကြည်ရဲ့ စကားကို နားဆင်ရမှာ ဖြစ်ပါတယ်။
2011-02-25
၂၀၁၀ ရွေးကောက်ပွဲမှာ အနိုင်ရခဲ့တဲ့ အမျိုးသား ဒီမိုကရေစီ အင်အားစုပါတီ (NDF) ရဲ့ လွှတ်တော် ကိုယ်စားလှယ် တဦးဖြစ်သူ ဒေါက်တာမြတ်ဉာဏစိုးက နေပြည်တော်မှာ ကျင်းပနေတဲ့ လက်ရှိ လွှတ်တော်မှာ လူအများစုက ကြံ့ခိုင်ဖွံ့ဖြိုးရေးပါတီ ကိုယ်စားလှယ်တွေ ဖြစ်နေပြီး၊ အနည်းစုက ဒီမိုကရေစီရေး လိုလားတဲ့ ကိုယ်စားလှယ်တွေ ဖြစ်နေတာကြောင့် ပြုပြင် ပြောင်းလဲရေးအတွက် အခက်အခဲ ရှိပေမဲ့ လာမဲ့ ရွေးကောက်ပွဲအပြီး ပေါ်လာမဲ့ လွှတ်တော်မှာတော့ အခြေအနေတွေ ပိုကောင်း လာနိုင်တယ်လို့ မြင်ကြောင်း RFA က သီးသန့် ဆက်သွယ်မေးမြန်းစဉ်မှာ ပြောဆိုလိုက်ပါတယ်။
2011-02-25
မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်က လူငယ်တွေ ကွန်ရက်ဖွဲ့ အလုပ်လုပ်ကြဖို့ တိုက်တွန်း ပြောဆိုပြီးတဲ့နောက်မှာ ပြည်တွင်းမှာ ကွန်ရက်အဖွဲ့တွေ အရင်ကထက် ပိုပြီး ထွက်ပေါ်လာနေပါတယ်။
2011-02-25
ရန်ကုန်မှာ ရောက်ရှိနေတဲ့ အိုင်အယ်အို အရာရှိ မစ္စတာ ဂိုင်း ရိုက်ဒါက ဒီကနေ့ ဖေဖော်ဝါရီ ၂၅ ရက် မနက်မှာ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို နေအိမ်မှာ သွားရောက် တွေ့ဆုံခဲ့ကြောင်း သတင်းရရှိပါတယ်။
