ရခိုင်ပြည်သူလှုပ်ရှားမှု ရိုဟင်ဂျာ ခေါင်းဆောင် ထောက်ခံ

လန်ဒန်မြို့အခြေစိုက် မြန်မာရိုဟင်ဂျာများအသင်း ဥက္ကဋ္ဌ ဦးထွန်းခင် က ရခိုင်ပြည်နယ် ပြဿနာကို တိုက်ပွဲနဲ့ ဖြေရှင်းတာ လက်မခံပေမယ့် ရခိုင်ပြည်သူတွေက သူတို့ရဲ့ နစ်နာဆုံးရှုံးမှုတွေ ရရှိရေးအတွက် လှုပ်ရှားမှုကိုတော့ ထောက်ခံအားပေးတယ်လို့ ဆိုပါတယ်။ ဒါ့အပြင် ARSA ခေါ် ရိုဟင်ဂျာလက်နက်ကိုင်အဖွဲ့ နဲ့ AA ရခိုင်တပ်ဖွဲ့တွေအကြား ပေါင်းဆောင်ရွက်မှုရှိတယ်ဆိုတာ မဖြစ်နိုင်ဘူးလို့ ပြောကြားလိုက်ပါတယ်။ ARSA က လူအင်အားမဆိုသလောက်နဲ့ တုတ်ဓါးလောက်သာ ကိုင်ဆောင်နိုင်တဲ့ အဖွဲ့ငယ်တခုဖြစ်ပြီး AA လို စနစ်တကျ ဖွဲ့စည်းထားတဲ့ အင်အားကြီးအဖွဲ့တခု မဟုတ်ဘူးလို့လည်း သူက ပြောပါတယ်။ ဝါရှင်တန် ဒီစီ ရှိ RFA ရုံးချုပ်ကို ဧပြီလ ၉ ရက်နေ့ မနေ့က လာရောက်စဉ် သူက အခုလိုပြောခဲ့တာ ဖြစ်ပါတယ်။

ဦးထွန်းခင်နဲ့ ဦးခင်မောင်စိုး တွေ့ဆုံမေးမြန်းထားတာကို နားဆင်ပါ။