ငြိမ်းချမ်းရေးဆွေးနွေးရာမှာ ပြည်ထောင်စုရေးအတွက်သာ စဉ်းစားဆွေးနွေးဖို့ UPDJC ဒုဥက္ကဋ္ဌပြော


2018.02.27
updjc-feb27-622.jpg ပြည်ထောင်စု ငြိမ်းချမ်းရေးဆွေးနွေးမှုပူးတွဲကော်မတီ UPDJC အစည်းအဝေးကို ၂၀၁၈ ခုနှစ် ဖေဖော်ဝါရီလ ၂၇ ရက်နေ့ကကျင်းပစဉ်
Photo: Hla Maung Shwe Facebook

ငြိမ်းချမ်းရေးဆွေးနွေးရာမှာ အစုအဖွဲ့တခုချင်းအတွက်မဟုတ်ဘဲ ပြည်ထောင်စုကြီးအရေးအတွက်သာ စဉ်းစားဆွေးနွေးတိုင်ပင်ကြဖို့ တိုက်တွန်းလိုကြောင်း ပြည်ထောင်စု ငြိမ်းချမ်းရေးဆွေးနွေးမှုပူးတွဲကော်မတီ UPDJC ဒုတိယ ဥက္ကဋ္ဌ ဒေါက်တာ ဆလိုင်းလျန်မှုန်းဆာခေါင်း ကပြောကြားခဲ့ပါတယ်။

နေပြည်တော်က အမျိုးသားပြန်လည် သင့်မြတ်ရေးနဲ့ ငြိမ်းချမ်းရေးဗဟိုဌာနမှာ ဖေဖော်ဝါရီ ၂၇ ရက် မနေ့က ကျင်းပခဲ့တဲ့ ၁၄ ကြိမ်မြောက် ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC အစည်းအဝေး မှာ ပြောကြားခဲ့တာပါ။

တိုင်းပြည်ရဲ့ ငြိမ်းချမ်းရေးဖော်ဆောင်ရာမှာ အရေးကြီးတဲ့ကော်မတီဖြစ်တဲ့ UPDJC အနေနဲ့လုပ်ငန်းတွေ ဆောင် ရွက်ရာမှာ မိမိတို့အဖွဲ့ အစည်းတခု၊ လူမျိုးတစုအတွက်သာ မဟုတ်ဘဲ ပြည်ထောင်စုကြီးအရေးအတွက် စဉ်း စားဆွေးနွေးတိုင်ပင်ကြဖို့ တိုက်တွန်းလိုကြောင်း ဒေါက်တာ ဆလိုင်းလျန်မှုန်းဆာခေါင်း က ပြောကြားခဲ့ပါတယ်။

UPDJC ဒုတိယဥက္ကဋ္ဌ ပြည်ထောင်စုဝန်ကြီး ဦးကျော်တင့်ဆွေ ကလည်း ညီလာခံ မကျင်းပနိုင်ဘဲ ရပ်တန့်နေတာ ဟာ နိုင်ငံရေးဆွေးနွေးပွဲတွေကို အဓိက တာဝန်ယူထားတဲ့ UPDJC နဲ့ တိုက်ရိုက်သက်ဆိုင်နေကြောင်း၊ ရှေ့ မတိုး နောက်မဆုတ်နိုင်ဖြစ်နေရတဲ့ အနေအထားကြောင့် နိုင်ငံရေးဆွေးနွေးပွဲတွေ ကြန့်ကြာနေမယ်ဆိုရင် နိုင်ငံ နဲ့ ပြည်သူတွေရဲ့ မျှော်လင့်ချက်တွေ မှေးမှိန်နေဦးမှာဖြစ်ကြောင်း ပြောဆိုခဲ့ပါတယ်။

 

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။