သစ်တောပြုန်းတီးမှုကနေဖြစ်တဲ့ ကာဗွန်ထုတ်လွှတ်မှုလျှော့ချ ဖို့ နော်ဝေကူညီ

သစ်တောပြုန်းတီးခြင်းနဲ့ သစ်တောအတန်းအစားကျဆင်းမှုမှ ကာဗွန်ထုတ်လုပ်မှု လျှော့ချမယ့် အမျိုးသားအဆင့် UN-REDD ( UN - REDD National Programme of Reducing Enissions from Deforestation and Forest Degradion - REDD+ ) အစီအစဉ်ကို နော်ဝေနိုင်ငံရဲ့ထောက်ပံ့မှုနဲ့ စုစုပါင်း ဘတ်ဂျက် အမေရိကန်ဒေါ်လာ ၅.၅ သန်းသုံးစွဲပြီး ၂၀၂၀ ခုနှစ်အထိ လေးနှစ်ကြာအကောင်အထည်ဖော်မှာ ဖြစ်ပါတယ်။

UN-REDD အစီအစဉ်ဟာ ကမ္ဘာ့စားနပ်ရိက္ခာအဖွဲ့ ( FAO ) ၊ ကုလသမဂ္ဂဖွံ့ဖြိုးမှုအစီအစဉ် ( UNDP) ၊ ကုလသမဂ္ဂ ပတ်ဝန်းကျင်ဆိုင်ရာ အစီအစဉ် ( UNEP ) တို့ရဲ့ နည်းပညာအကူအညီကို ရယူဆောင်ရွက်တဲ့ ကမ္ဘာ့ကုလသမဂ္ဂ အဖွဲ့ကြီးရဲ့ ပေါင်းစည်းဆောင်ရွက်ချက်တစ်ခုဖြစ်ပြီး ဖွ့ံ့ဖြိုးဆဲနိုင်ငံများမှာ သစ်တော ပြုန်းတီးခြင်းနဲ့ သစ်တော အတန်းအစား ကျဆင်းမှုတို့ကြောင့် ဖြစ်ပေါ်လာတဲ့ ကာဗွန်ထုတ်လွှတ်မှုများကို လျှော့ချဖို့အတွက် လုပ်ဆောင်နေ တာဖြစ်ပါတယ်။

ဒီကနေ့ အခမ်းအနားကို လွှတ်တော်ကိုယ်စားလှယ်တွေ၊ UNDP မြန်မာက ဌာနေညွန်ကြားရေးမှူး၊ FAO မြန်မာက ဌာနေကိုယ်စားလှယ်၊ ဝန်ကြီးဌာနတွေ၊ အစိုးရမဟုတ်သော အဖွဲ့စည်းတွေ၊ အရပ်ဘက်လူမှုအဖွဲ့အစည်းတွေက ကိုယ်စားလှယ်တွေ တက်ရောက်ခဲ့ကြပါတယ်။