ရွေးကောက်ပွဲ အာဆီယံအဖွဲ့ စောင့်ကြည့် လေ့လာရေး စဉ်းစားပေးမယ် ဦးသိန်းစိန်ပြော

ဧပြီ ၁ ရက်မှာ ကျင်းပမယ့် ကြားဖြတ်ရွေးကောက်ပွဲမှာ “အရှေ့တောင် အာရှနိုင်ငံတွေက ရွေးကောက်ပွဲ လေ့လာရေး အဖွဲ့တွေ” ကို လက်ခံသွားဖို့ စဉ်းစားနေတယ်လို့ သမ္မတ ဦးသိန်းစိန်က ပြောကြောင်း အာဆီယံအဖွဲ့ အတွင်းရေးမှူးချုပ် မစ္စတာ ဆူရင် ပစ်ဆူဝန်က ဒီကနေ့ ပြောပါတယ်။

2012.02.21
thein-sein-asean-bali-305 ၂၀၁၁ ခုနှစ် နိုဝင်ဘာလ ၁၇ ရက်နေ့က အင်ဒိုနီးရှားနိုင်ငံ ဘာလီကျွန်းတွင် အာဆီယံထိပ်သီးညီလာခံ ကျင်းပသည့် အခမ်းအနား စင်မြင့်ထက်မှ ပြန်လည် ထွက်ခွာခဲ့ကြသည့် အာဆီယံ နိုင်ငံ ခေါင်းဆောင်များနှင့်အတူ မြန်မာနိုင်ငံ သမ္မတ ဦးသိန်းစိန်ကို တွေ့မြင်ရစဉ်။ AFP PHOTO / POOL / ENNY NURAHENI
AFP

အာဆီယံအဖွဲ့ အတွင်းရေးမှူးချုပ် မစ္စတာ ပစ်ဆူဝန်ဟာ နေပြည်တော်မှာ သမ္မတ ဦးသိန်းစိန်နဲ့ တွေ့ဆုံ ဆွေးနွေးစဉ် သမ္မတဦးသိန်းစိန်က ကတိပေးခဲ့တာလို့ ကြေညာချက် ထုတ်ပြန် ပြောဆိုပါတယ်။

ဒီအတော အတွင်း အာအက်ဖ်အေကရရှိတဲ့ တခြားသတင်းတစ်ပုဒ်မှာ ဖီလစ်ပိုင် နိုင်ငံခြားရေးဝန်ကြီး Albert del Rosario က မကြာသေးခင်က သွားရောက်ခဲ့တဲ့ မြန်မာနိုင်ငံ ခရီးစဉ်အတွင်း သမ္မတ ဦးသိန်းစိန်က သူ့ကို ပြောကြားခဲ့တဲ့အတိုင်း ဒီမိုကရေစီ အသွင်ကူးပြောင်းရေး ပြုပြင်ပြောင်းလဲမှုတွေ နောက်ကြောင်း ပြန်လှည့်မှာ မဟုတ်ဘူးဆိုတာကို ယုံကြည်ပါကြောင်း ဒီကနေ့ ပြောပါတယ်။

ဒါ့အပြင် မြန်မာနိုင်ငံက အပြုသဘောဆောင်တဲ့ အခြေခံပြောင်းလဲချက် အတော်များများကို ကြည့်ပြီး ဒီမိုကရေစီ လမ်းကြောင်းပေါ်ကို ခိုင်ခိုင်မာမာ လျှောက်လှမ်းနေ ပြီလို့ ယုံကြည်ရကြောင်း သူက ဆိုပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။