သခင်ကိုယ်တော်မှိုင်းဂူဗိမာန် စောင့်ရှောက်ရေး အလှူငွေ ၁၄၅ သိန်းရရှိ

ဆရာကြီးသခင်ကိုယ်တော်မှိုင်း ဂူဗိမာန်စောင့်ရှောက်ရေးအဖွဲ့ရဲ့ ၂ဝ၁၂ ခုနှစ် ငွေစာရင်းရှင်းတမ်းနဲ့ အလှူရှင် ဂုဏ်ပြု မှတ်တမ်းလွှာ ပေးအပ်ပွဲအခမ်းအနားကို ရန်ကုန်မြို့ တော်ဝင်နှင်းဆီစားသောက်ဆိုင်မှာ မနေ့ကကျင်းပခဲ့ပါတယ်။

2013.01.08
thakin-kodaw-hmaing-mausoleum-b305 ရန်ကုန်မြို့ရှိ ဆရာကြီးသခင်ကိုယ်တော်မှိုင်း ဂူဗိမာန် ဖြစ်ပါသည်။
RFA

ပြီးခဲ့တဲ့နှစ်က ဂူဗိမာန်စောင့်ရှောက်ရေးအဖွဲ့ကို တိုးချဲ့ပြင်ဆင်ဖွဲ့စည်းခဲ့ပြီး အလှူငွေ စုစုပေါင်း ၁၄၅ သိန်း ရရှိခဲ့သလို၊ ဒီငွေတွေကို စာကြည့်တိုက်၊ ဆရာကြီးရဲ့ဇာတိမြေက ပြတိုက်နဲ့ စာအုပ်စာတမ်း ပုံနှိပ်ထုတ်ဝေမှုတွေမှာ သုံးခဲ့တယ်လို့ ဂူဗိမာန်စောင့်ရှောက်ရေးအဖွဲ့ ပြန်ကြားရေးမှူး ဦးထွန်းဝင်းငြိမ်း က RFA ကိုပြောပါတယ်။

ဒီအခန်းအနားမှာ စုစုပေါင်းအလှူရှင် ၇ဝကို ဂုဏ်ပြုမှတ်တမ်းလွှာပေးအပ်ခဲ့တယ်လို့လဲ သိရပါတယ်။ ဒါ့အပြင် ဆရာကြီး သခင်ကိုယ်တော်မှိုင်းကြိုးပမ်းခဲ့တဲ့ ပြည်တွင်းငြိမ်းချမ်းရေး လုပ်ငန်းစဉ်အဆက်အဖြစ်၊ လက်ရှိကာလမှာဖြစ်နေတဲ့ ကချင်ပြည်နယ်က လက်နက်ကိုင်ပဋိပက္ခတွေ အဆုံးသတ်ဖို့ ငြိမ်းချမ်းရေးပန်ကြားလွှာတစောင်လဲ ထုတ်ပြန်ခဲ့တယ်လို့ သိရပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။