တောင်ငူမှာ ငလျင်ကြောင့် အရပ်သားဆယ်ဦး သေဆုံး
2025.03.28
တောင်ငူမြို့ ဝေဠုဝန်သာသနာ့ရိပ်သာ၌ ထိခိုက်ဒဏ်ရာရသူများအား မတ်လ ၂၈ ရက် ညနေပိုင်းတွင် ကူညီကယ်ဆယ်ရေး ဆောင်ရွက်နေစဉ်။
Taungoo Rescue
ပဲခူးတိုင်း တောင်ငူမြို့မှာ ငလျင်ကြောင့် ဒေသခံဆယ်ဦးသေဆုံးသွားတယ်လို့ ကူညီကယ်ဆယ်ရေးလုပ်ခဲ့တဲ့ ကယ်ဆယ်ရေးလုပ်နေသူတွေက RFA ကိုမတ်လ ၂၈ ရက် ညနေပိုင်းမှာ ပြောပါတယ်။
သေဆုံးသူတွေဟာ ဝေဠုဝန်သာသနာ့ရိပ်သာမှာ ဓမ္မစကူးသင်နေတဲ့ ကလေးငယ်လေးဦး အပါအဝင်ငါးဦးနဲ့ ကန်တော်ဗလီက ငါးဦးသေဆုံးခဲ့တယ်လို့ ပြောပါတယ်။
“ဓမ္မစကူးသင်နေတုန်း မျက်နှာကျက်ပြိုကျတာဗျ။အဲ့ဒီမှာ ကလေးတွေသေကုန်တာပေါ့။ နောက် အစ္စလာမ်ဘာသာရေးအဆောက်အဆုံမှာလည်း ငါးယောက်သေသွားတယ်။ မြို့နယ်ဆေးရုံမှာလည်း ဒဏ်ရာရတဲ့သူတွေ အများကြီးရောက်လာတယ်”
ဒဏ်ရာရသူအရေအတွက်ကလည်း ၃၀ ထပ်မနည်းရှိတယ်လို့ ကယ်ဆယ်ရေးလုပ်နေသူတွေက ပြောပါတယ်။
မန္တလေးမြို့ အရှေ့မြောက်ဘက် ၁၂ မိုင်အကွာကို ဗဟိုပြုပြီး မတ်လ ၂၈ ရက်က ပြင်းအား ရစ်(ခ်)တာစကေး ၇ ဒသမ ၇ ရှိတဲ့ မြေငလျင်လှုပ်ခတ်ခဲ့ပါတယ်။
စစ်ကောင်စီရဲ့ အမျိုးသားသဘာ၀ဘေးအန္တရာယ်ဆိုင်ရာ စီမံခန့်ခွဲမှုကော်မတီကတော့ ငလျင်ကြောင့် ထိခိုက်ပျက်စီးမှုများတဲ့ မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ပဲခူးတိုင်း၊ ရှမ်းပြည်နယ် အရှေ့မြောက်ပိုင်းနဲ့ နေပြည်တော်ကောင်စီနယ်မြေတွေကို အရေးပေါ်အခြေအနေ ကြေညာထားပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ