မလေးရှားမှာ အသတ်ခံရ တဲ့ မြန်မာ ၅ ဦးရဲ့ မိသားစု ဝင်တွေကို ထောက်ပံ့ငွေပေးအပ်

မြန်မာနိုင်ငံသား ၅ ဦး သတ်ဖြတ်ခံလိုက်ရတာနဲ့ ပတ်သက်ပြီး မလေးရှားနိုင်ငံအခြေစိုက် မြန်မာသံရုံးနဲ့ မလေးရှား ပြည်ထဲရေးဌာနတို့ ပူးပေါင်းပြီး အမှုမှန်ပေါ်ပေါက်ဖို့ ဆောင်ရွက်နေကြောင်း အဲဒီအမှုနဲ့ပတ်သက်ပြီး လက်ရှိအချိန်မှာ မလေးရှားနိုင်ငံသား ၁၀ ယောက်ကို ဖမ်းဆီးပြီး စစ်ဆေးမှုတွေ လုပ်ဆောင်နေတယ် လို့ မြန်မာပြည်ပ အလုပ်အကိုင် ဝန်ဆောင်မှု လုပ်ငန်းရှင်များ အဖွဲ့ချုပ်အတွင်းရေးမှူး ဦးကျော်ထင်ကျော် က ပြောပါတယ်။

ပြည်ပအလုပ်အကိုင် ဝန်ဆောင်မှု အေဂျင်စီတွေဟာ လက်ရှိမှာ မလေးရှားနိုင်ငံကို မြန်မာလုပ်သားစေလွှတ်မှု ယာယီရပ်ဆိုင်းထားပါတယ်။

ဓားနဲ့ အခုတ်ခံရတဲ့ မြန်မာအလုပ်သမားတွေဟာ လျှပ်စစ်ပစ္စည်းထုပ်ပိုးတဲ့ ပုံးအခွံတွေ ထုတ်လုပ်တဲ့စက်ရုံမှာ အလုပ်လုပ်ကိုင်ကြတဲ့ အလုပ်သမားတွေ ဖြစ်ပါတယ်။

မလေးရှားနိုင်ငံမှာ မြန်မာနိုင်ငံသား အလုပ်သမား ၂ သိန်းကျော်လောက် အလုပ်လုပ်ကိုင်နေကြတာဖြစ်ပြီး ဓားခုတ်မှုဖြစ်တဲ့ ဆားဒန်းမြို့မှာတော့ မြန်မာလုပ်သား ၁ သောင်းကျော် ရှိပါတယ်။