ဘဏ္ဍာငွေ ရသုံးဆိုင်ရာ ဘတ်ဂျက်ဥပဒေ လျှို့ဝှက်ပြဌာန်း
2011.02.21
၂၀၁၀ ရွေးကောက်ပွဲ ကျင်းပပြီးနောက် အမျိုးသား လွှတ်တော်နှင့် ပြည်ထောင်စု လွှတ်တော် နှစ်ရပ်ပေါင်း ကျင်းပသော ပထမဆုံး လွှတ်တော် အစည်းအဝေးကို နေပြည်တော်ရှိ လွှတ်တော် အဆောက်အအုံသစ်တွင် ဇန်နဝါရီ ၃၁ ရက်နေ့က ပြုလုပ်နေသည်ကို MRTV 4 ရုပ်မြင်သံကြားမှ ထုတ်လွှင့် ပြသနေပုံ ဖြစ်ပါသည်။ (Photo: AFP/MRTV 4)
ဒီဥပဒေကို စစ်အစိုးရရဲ့ ၂ဝဝ၈ ခုနှစ် ဖွဲ့စည်းပုံ အခြေခံဥပဒေ ပုဒ်မ (၄၄၃) အရ ဇန်နဝါရီလ ၂၇ ရက် နေ့စွဲနဲ့ ထုတ်ပြန်လိုက်တာ ဖြစ်ပြီး အခုနှစ် ဧပြီလ ၁ ရက်နေ့မှာ စတင် အသက်ဝင်မယ်လို့ သိရပါတယ်။ အခုလို နိုင်ငံအတွက် အရေးကြီးတဲ့ ဥပဒေတွေကို အများပြည်သူတွေကို အသိမပေးဘဲ စစ်အစိုးရက လျှို့ဝှက် ထုတ်ပြန်နေတဲ့အတွက် ဝေဖန်မှုတွေ ရှိနေပါတယ်။
ရန်ကုန်မြို့က ဥပဒေအကြံပေး ဦးအောင်သိန်းက အခုလို ပြောဆိုပါတယ်။
“သတင်းစာမှာ အကျယ်တဝင့် ဖော်ပြ မထားတဲ့အတွက် သူတို့ ဘယ်လောက်သုံးလို့ ဘယ်လောက်အထိ ကုန်ကျတယ်၊ ဘယ်လောက်အထိ လျာထားငွေ ရှိတယ်ဆိုတာ ကျနော်တို့ သိဖို့ ခက်တယ်ပေါ့။ ပြည်သူတယောက် အနေနဲ့တော့ အစိုးရတရပ်ရဲ့ ရသုံး ခန့်မှန်းခြေ ငွေစာရင်းဆိုတာကို အကြမ်းဖျင်းလောက်တော့ သိဖို့အတွက် အများပြည်သူဆိုင်ရာ သတင်းစာတွေမှာ ထုတ်ပြန်သင့်တယ်လို့ ယူဆပါတယ်”
အခု လျှို့ဝှက် ပြဋ္ဌာန်းလိုက်တယ်ဆိုတဲ့ ဘက်ဂျက်ဥပဒေထဲမှာ ကျန်းမာရေး၊ ပညာရေး၊ ကာကွယ်ရေး အသုံးစရိတ်တွေ ဘယ်လောက် ခွဲဝေ ပြဋ္ဌာန်းထားတယ်ဆိုတာ လောလောဆယ် မသိရသေးပါဘူး။
အခုလို စစ်အစိုးရက နိုင်ငံ ရသုံးငွေဆိုင်ရာ ဥပဒေ ပြဌာန်းလိုက်တာနဲ့ ပတ်သက်လို့ ရန်ကုန်မြို့က ဥပဒေပညာရှင် ဦးအောင်သိန်းကို RFA အဖွဲ့သား ကိုကျော်ကျော်အောင်က ဆက်သွယ် မေးမြန်းထားပါတယ်။
 |
ဆက်သွယ်မေးမြန်းချက်။ |
 |
အသံဖိုင်ယူရန်။ |
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- မြန်မာမှာ အကြမ်းဖက်မှု ချက်ချင်းရပ်ဖို့ စစ်ကောင်စီကို အမေရိကန် တောင်းဆို
ဖတ်ရှုသူအများဆုံး သတင်းများ။
သတင်းများ
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)