နာဂဒေသမှာ မီးလောင် လူဦးရေ ၅၀၀ အိုးမဲ့အိမ်မဲ့ဖြစ်
2016.11.27
မီးလောင်ပျက်ဆီးသွားတဲ့ နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့နယ်၊ ယမ်းကြိမ်းကျေးရွာကို တွေ့ရစဉ်
နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့နယ်၊ ယမ်းကြိမ်းကျေးရွာမှာ ပြီးခဲ့တဲ့ နိုဝင်ဘာလ ၂၂ ရက် နေ့က မီးလောင်တာကြောင့် နေအိမ် ၇၀ နီးပါး မီးထဲပါသွားပြီး လူဦးရေ ၅၀၀ နီးပါး အိုးမဲ့အိမ်မဲ့ ဖြစ်နေပါတယ်။
ဆိုလာပြားကနေတဆင့် ရှော့ဖြစ်ပြီး မီးလောင်ကျွမ်းခဲ့ရာမှာ ဒေသခံတွေ တောင်ယာသွားတဲ့ နေ့လည်ချိန် မှာ ဖြစ်တဲ့အတွက် ပျက်စီးမှုများခဲ့တယ်လို့ လဟယ် မြို့နယ် တိုင်းဒေသကြီး လွှတ်တော်ကိုယ်စားလှယ် ဦးလော်ယုံ က ပြောပါတယ်။ အိုးမဲ့အိမ်မဲ့ဖြစ်နေသူတွေဟာ နီးစပ်ရာဆွေမျိုး အိမ်တွေ မှာ နေထိုင်သူတွေရှိသလို ယာယီ တဲလေးတွေ ဆောက်ပြီး နေထိုင်နေကြရတယ်လို့လည်း ပြောပါတယ်။
ယမ်းကြိမ်းကျေးရွာဟာ အိမ်ခြေ ၂၀၀ ကျော်၊ လူဦးရေ ၃ ထောင်ကျော် ရှိတဲ့ ကျေးရွာဖြစ်ပြီး တောင်ယာလုပ်ငန်းကို အဓိက လုပ်ကိုင်ကြတဲ့ ကျေးရွာလည်း ဖြစ် ပါတယ်။
နာဂဦးစီးအဖွဲ့၊ မြို့နယ်အထွေထွေအုပ်ချုပ်ရေးနဲ့ တပ်မတော် စတဲ့ အဖွဲ့အစည်းတွေက နေအိမ်ပျက်စီးသွားသူတွေ ကို အကူအညီတွေ ပေးနေပေမယ့် စားနပ်ရိက္ခာ လုံလောက်မှုမရှိဘူးလို့ ဦးလော်ယုံ က ပြောပါတယ်။
မီးလောင်မှုဖြစ်ပွားခဲ့တဲ့ ယမ်းကြိမ်းကျေးရွာဟာ သွားလာရခက်ခဲတဲ့ နေရာဖြစ်တာကြောင့် အကူအညီတွေ ရောက် ရှိနိုင်ဖို့လည်း အခက်အခဲတွေ ရှိနေပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ