လက်ပေါ်ကတက်တူးကို စစ်ကောင်စီတပ်သားတွေ မီးရှို့ဖျက်ဆီး

2021.04.05
လက်ပေါ်ကတက်တူးကို စစ်ကောင်စီတပ်သားတွေ မီးရှို့ဖျက်ဆီး မီးရှို့ခံရသူရဲ့ လက်ကို တွေ့ရစဉ်
Photo CJ

မန္တလေးမြို့၊ ၅၃ လမ်း မနော်ဟရီလမ်းအနီးမှာလည်း ဧပြီလ ၄ ရက်နေ့ မနေ့ည ၇ နာရီခွဲကျော်လောက်က နွေဦးတော်လှန်ရေးနဲ့ ဒေါ်အောင်ဆန်းစုကြည်ပုံ လက်မှာတက်တူး ရေးထိုးထားသူကို အာဏာသိမ်း စစ်ကောင်စီရဲ့ စစ်သားနဲ့ ရဲတပ်ဖွဲ့ဝင်တွေက တာယာမီးနဲ့မြှိုက်ပြီး တက်တူးကို ဖျက်ဆီးလိုက်ပါတယ်။

အဲဒီအမျိုးသားဟာ အိမ်ကနေ လမ်းထိပ်အထွက် အမှောင်ထဲမှာထိုင်နေတဲ့ စစ်သားနဲ့ ရဲ လေးယောက်လောက် က အတင်းခေါပြီး အင်္ကျီကိုချွတ်ခိုင်းပြီး စစ်ဆေးပြီးနောက် လက်ပေါ်မှာထိုးထားတဲ့ နွေဦးတော်လှန်ရေး၊ ဒေါ်အောင်ဆန်းစုကြည်ပုံနဲ့ နှစ်ငါးလုံး စတဲ့ တက်တူးတွေကို ကားတာယာကွင်းတွေ မီးမွှေးပြီး မီးရှို့ဖျက်သွား တယ်လို့ ကာယကံရှင်က RFA ကိုပြောပါတယ်။

မန္တလေးမြို့မှာတော့ စစ်တပ်နဲ့ ရဲတပ်ဖွဲ့ဝင်တွေဟာ ကားတွေ၊ ဆိုင်ကယ်တွေနဲ့ လှည့်ပတ်နေကြပြီး လမ်းသွားလမ်းလာတွေကို စစ်ဆေးတာ၊ ဖမ်းဆီးတာတွေ ပြုလုပ်နေပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။