လူဦးရေ တစ်သိန်းနီးပါး ရေဘေး ဒဏ်ခံနေရ

အဲ့ဒီတိုင်းနဲ့ပြည်နယ် ၆ခုထဲမှာ မကွေးတိုင်းမှာ ရေဘေးဒဏ်ခံနေရသူ အများဆုံးဖြစ်ပြီး လူဦးရေ ၅ သောင်းခွဲကျော် ရှိနေပါတယ်။ ရေကြီးနစ်မြုပ်မှုကြောင့် မန္တလေးတိုင်းမှာ ၂ သောင်းခွဲကျော် နဲ့ စစ်ကိုင်းတိုင်းမှာ ၁ သောင်းခွဲနီးပါး ဟာ ကယ်ဆယ်ရေးစခန်းတွေကို ပြောင်းရွှေ့နေကြပါတယ်။

လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနအနေနဲ့ လူနေအိမ်တွေထဲ ရေတွေ ဝင်ရောက်နေပေမယ့် ပြောင်းရွှေ့စရာသိပ်မလိုသေးတဲ့ ရပ်ကွက်ကျေးရွာတွေကိုလည်း စားနပ်ရိက္ခာတွေ ထောက် ပံ့ပေးနေတယ်လို့ ဒေါ်ဖြူလဲ့လဲ့ထွန်း က ပြောပါတယ်။

လက်ရှိ မြစ်ဝကျွန်းပေါ်ဒေသတွေမှာလည်း မြစ်ရေမြင့်တက်နေတာတွေရှိနေသလို အထက်ပိုင်းက ရေတွေ ပြန်ကျ လာနိုင်တာကြောင့် မြစ်ဝကျွန်းပေါ်မှာ နေထိုင်ကြသူတွေအနေနဲ့ ရေကြီးရေလျှံမှုတွေအတွက် ကြိုတင်ပြင်ဆင် ထားဖို့ မိုးလေဝသနဲ့ ဇလဗေဒညွှန်ကြားမှုဦးစီးဌာနက သတိပေးထားပါတယ်။

ဧရာဝတီမြစ်ရေ မြင့်တက်လာမှုကြောင့် ပြီးခဲ့တဲ့ ဇူလိုင်လ ၃၁ ရက်နေ့ ညနေပိုင်းကစပြီး ဦးပိန်တံတားကို အများပြည်သူ ဖြတ်သန်းသွားလာခွင့် ပိတ်လိုက်သလို မန္တလေး ရတနာပုံတက္ကသိုလ်ကိုလည်း ပိတ်ထားရပါတယ်။

ဧရာဝတီမြစ် နဲ့ ချင်းတွင်းမြစ်ရေ မြင့်တက်နေမှုကြောင့် မကွေး၊ စစ်ကိုင်း၊ မန္တလေး၊ ဧရာဝတီ၊ ပဲခူး နဲ့ ကချင် စတဲ့ တိုင်းဒေသကြီးနဲ့ ပြည်နယ် ၆ ခုက လူဦးရေ ၁ သိန်းနီးပါးလောက် ရေဘေးဒဏ်ခံနေရပြီး ရေဘေး ကယ်ဆယ်ရေးစခန်းတွေမှာ ပြောင်းရွှေ့နေထိုင်နေကြရပါတယ်။

ရေဘေးဒဏ်အများဆုံးခံနေရတဲ့ မကွေးတိုင်း နဲ့ မန္တလေးတိုင်းတွေမှာ ကယ်ဆယ်ရေးစခန်းတွေ ဖွင့်ထားရသလို ဌာနဆိုင်ရာတွေကလည်း ကူညီကယ် ဆယ်ရေးတွေလုပ်ဆောင်ပေးနေရပါတယ်။