အမျိုးသားပြန်လည်သင့်မြတ်ရေးအတွက် အရှင် ဂမ္ဘီရ တိုက်တွန်း

“အဲဒါလည်း သူက ပြောလိုက်တယ်၊ အမျိုးသား ပြန်လည်သင့်မြတ်ရေးရယ်၊ နိုင်ငံရေး အကျဉ်းသားတွေ လွတ်မြောက်ရေးရယ်၊ အဲဒီနှစ်ခုကို အဓိကထား ပြောတယ်။ အဲဒီတော့ အန်တီလည်း အဲဒီ မိန့်ခွန်းတွေထဲမှာ ပြောသွားတယ် ဆိုတဲ့အခါကျတော့ အဲဒါဆိုရင်တော့ ကောင်းတာပေါ့တဲ့ အဲလို ပြောတယ်။ သူခံခဲ့ရတဲ့ဟာတွေ အကုန်လုံးကို မေ့ပစ်လိုက်ပြီတဲ့။ အမုန်းလည်း မရှိဘူး၊ အာဃာတလည်း မရှိဘူးတဲ့။ မေတ္တာနဲ့ပဲ ခွင့်လွှတ်လိုက်ပါတယ်တဲ့။ သူလိုလားတာ အဲဒီနှစ်ခုပဲ အဓိကထားပြီး ပြောပေးပါလို့ ပြောလိုက်တယ်။”

အရှင်ဂမ္ဘီရဟာ လွန်ခဲ့တဲ့ ရက်သတ္တပတ်တွေအတွင်းက မျက်စီနာရောဂါ ဖြစ်ခဲ့တာကလွဲပြီး ကျန်းမာရေးကောင်းမွန်လျက် ရှိတယ်လို့ သိရပါတယ်။ အခုခါ ထောင်အတွင်း စာဖတ်ခွင့် ရရှိသလို နေထိုင်ရေးအခြေအနေတချို့ တိုးတက်လာတာလည်း ရှိတယ်လို့ ဆိုပါတယ်။

ဒါအပြင် ပြည်ပကို ရောက်ရှိသွားပြီး ရွှေဝါရောင်တော်လှန်ရေးကို ခရီးဆက်နေကြတဲ့ သံဃာတော်တွေကိုလည်း ငြိမ်းချမ်းတဲ့နည်း၊ မေတ္တာနည်းဖြင့်သာ အနိုင်ယူနိုင်ရေး ဆက်လက် အားထုတ်ကြဖို့ တိုက်တွန်းလိုက်ကြောင်းကို အစ်မဖြစ်သူ မခင်သူဌေးက အခုလို ဆက်ပြောပြခဲ့ပါတယ်၊

“ပြည်ပရောက် သံဃာတော်တွေအတွက်ကတော့ အဲလိုပဲပေါ့၊ အဟိံသ သစ္စာ အာဃာတဟတဲ့၊ သူတပါးကို မညှဉ်းဆဲ မနှိပ်စက်ပဲနဲ့တဲ့၊ မှန်ကန်တဲ့ လမ်းကြောင်းကို ရွေးပြီးတော့ ရည်မှန်းချက် ပန်းတိုင်ကို ရောက်အောင် လျှောက်ကြပါတဲ့။”

အရှင်ဂန္ဘီရနဲ့ ပတ်သြက်ပီး မကြာမီ အီတလီနိုင်ငံ ရောဘင်ညို မြိုတော်ဝန်က ဦးဆောင်ပြုလုပ်မဲ့ ကြားနာပွဲအတွက်လည်း စကားပါးလိုက်ရာမှာ သူ့အပေါ် နှိပ်စက်ခဲ့တာတွေကို မေတ္တာထားပြီး ခွင့်လွှတ်ခဲ့ကြောင်းနဲ့ အမျိုးသား ပြန်လည်သင့်မြတ်ရေးနဲ့ နိုင်ငံရေး အကျဉ်းသား လွတ်မြောက်ရေးကိုသာ လိုလားကြောင်း သတင်းစကား မိန့်ကြားလိုက်ကြောင်း သိရပါတယ်။

အရှင်ဂမ္ဘီရရဲ့ မယ်တော်ဖြစ်သူ ဒေါ်ရေးနဲ့ RFA မှ ကိုဇော်မိုးကျော်က ဆက်သွယ်မေးမြန်းထားပါတယ်။

	ဆက်သွယ်မေးမြန်းချက်။
	အသံဖိုင်ယူရန်