မြန်မာ မယ်စကြာဝဠာ ရွေးချယ်


2013.10.04

မြန်မာနိုင်ငံမှာ နှစ်ပေါင်း ၅ဝ ကျော်အတွင်း ပထမဆုံးအကြိမ်အဖြစ် နိုင်ငံကိုယ်စားပြု ဝင်ရောက်ယှဉ်ပြိုင်မယ့် မယ်စကြာဝဠာ ပြိုင်ပွဲအတွက် အမေရိကန်ပြည်ထောင်စုမှာ ပညာဆည်းပူးခဲ့သူ အမျိုးသမီးတစ်ဦးကို အပြီးသတ်ရွေးချယ်လိုက်ပြီလို့ သိရပါတယ်။

ဆန်ခါတင် ရွေးချယ်ခံရတဲ့ အသက် ၂၅ နှစ်အရွယ် မမိုးစက်ဝိုင်ဟာ အမေရိကန်ပြည်ထောင်စု California Lutheran တက္ကသိုလ်က ဈေးကွက်စီးပွားရေးပညာ ဘီအေဘွဲ့ရရှိထားသူဖြစ်ပြီး၊ ရုရှားနိုင်ငံ မော်စကိုမြို့မှာ လာမယ့် နိုဝင်ဘာ ၉ ရက်နေ့ ကျင်းပမယ့် မယ်စကြာဝဠာပြိုင်ပွဲမှာ ကမ္ဘာ့နိုင်ငံအသီးသီးက နိုင်ငံကိုယ်စားပြုအလှမယ်တွေနဲ့ ယှဉ်ပြိုင်ရမှာဖြစ်ပါတယ်။

မြန်မာနိုင်ငံဟာ ကမ္ဘာ့မယ်စကြာဝဠာပြိုင်ပွဲကို ၁၉၆၁ ခုနှစ်က နောက်ဆုံးအကြိမ် ဝင်ရောက်ယှဉ်ပြိုင်ခဲ့တာဖြစ်ပြီး မဆလ၊ နဝတနဲ့ နအဖ စစ်အစိုးရ အဆက်ဆက်လက်ထက်မှာ နှစ် ၅ဝ လောက် ယှဉ်ပြိုင်မှုရပ်နားသွားခဲ့ရတာ ဖြစ်ပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။