ဒေသခံ ၈၀၀ ကျော် မြစ်ကြီးနားမှာ ဆန္ဒပြ

"ရွာထဲကို လက်နက်ကြီးနဲ့ ပစ်တဲ့အတွက် ဆရာမတစ်ယောက် ဒဏ်ရာရတယ်၊ ကျောင်းသား တစ်ယောက်ဒဏ်ရာရတယ်၊ ပြည်သူ့စစ်တစ်ယောက် ဒဏ်ရာရတယ်၊ အခုထက်ထိ ဆေးရုံက မဆင်းရသေးပါဘူး၊ ကျွန်တော်တို့ ပြည်သူတွေရှိတဲ့ ရွာထဲကို အဝေးကနေ လက်နက်ကြီးနဲ့ ပစ်တာလဲ။ ပျက်စီးစေလိုတာလား၊ ဖျက်ဆီးတာလား"

ပြီးခဲ့တဲ့ သြဂုတ်လ ၁၅ ရက်နေ့က အစိုးရတပ်မတော်ရဲ့ ရှေ့တန်းလှုပ်ရှားတဲ့ တပ်တွေနဲ့ ကေအိုင်အေ တပ်ရင်း ၆ တို့ တိုက်ပွဲဖြစ်ပွားခဲ့ရာမှာ နေအိမ်တချို့လည်း ပျက်စီးခဲ့ပါတယ်။

အစိုးရတပ်မတော် နဲ့ ကေအိုင်အေတပ်တွေဟာ ဧရာဝတီမြစ်အရှေ့ဘက်ခြမ်း တရုတ် - မြန်မာနယ်စပ် ဆဒုံး - ကန်ပိုက်တီဒေသ၊ လိုင်ဇာဒေသတစ်ဝိုက်နဲ့ ဧရာဝတီမြစ်အနောက်ဘက်ခြမ်း ဟူးကောင်းနဲ့ ကာမိုင်းဒေသတွေမှာ ဇူလိုင်လကုန်ပိုင်းကစပြီး ဒီကနေ့အထိ နှစ်ဖက် စစ်ရေးတင်းမာနေတာ ဖြစ်ပါတယ်။

ဆန္ဒပြပွဲကို မြစ်ကြီးနား၊ မိုးကောင်း၊ ဝိုင်းမော်၊ မိုးညှင်း၊ ဖားကန့် စတဲ့ မြို့နယ်တွေက ဒေသခံတွေ ပါဝင်ခဲ့ကြပါတယ်။