ကလေးမြို့ ဆည်တောရွာအနီး မြောင်းချောင်းတံတားမှာ တိုက်ပွဲဖြစ်ပွား

ဒီနေ့ စစ်ကိုင်းတိုင်း ကလေးမြို့မှာ စစ်ကောင်စီတပ်ဖွဲ့ဝင်တွေနဲ့ ကလေးဒေသ ခုခံကာကွယ်ရေးအဖွဲ့ KRDA တို့ ဆည်တောရွာအနီး မြောင်းချောင်းတံတားမှာ တိုက်ပွဲဖြစ်ပွားနေတယ်လို့ ဒေသခံတွေက ပြောပါတယ်။

ဒီနေ့ ညနေငါးနာရီခွဲအချိန်ကစပြီး လက်ရှိအချိန်ထိ တိုက်ပွဲ​​​ဖြစ်ပွားနေတာကြောင့် နှစ်ဘက်စလုံးရဲ့ ထိခိုက် ဒဏ်ရာရသူတွေကိုတော့ သီးခြားအတည်မပြုနိုင်ဘူးလို့ ဒေသခံတွေက ပြောပါတယ်။

ဒီလိုတိုက်ပွဲဖြစ်ပွားရတာကတော့ ရဲနဲ့စစ်သားတွေက ကျေးရွာတွေကို စစ်ကားနှစ်စီး ရဲကားနှစ်စီးနဲ့လာပြီး အာဏာဖီဆန်ရေး CDM ပါဝင်သူတွေနဲ့ စလောင်းတပ်ဆင်ထားတွေကို ဖမ်းဆီးမှာ စိုးရိမ်တာကြောင့် လမ်းမှာတားဆီးရာကနေ တိုက်ပွဲဖြစ်ပွားခဲ့လို့ ဒေသခံတွေက ပြောပါတယ်။

ကလေး​ဒေသခုခံကာကွယ်ရေးအဖွဲ့အစည်း (KRDA) Kalay Regin Defence Association ကို ဧပြီ ၂၀ရက်က ဖွဲ့စည်းထားတာဖြစ်ပါတယ်။