အင်ဒို နိုင်ငံခြားရေးဝန်ကြီး မြန်မာကို ဂုဏ်ပြုပြောကြား

ဂျကာတာမြို့က ဟိုတယ်တခုမှာ သောကြာနေ့က ကျင်းပတဲ့ ၆၅ကြိမ်မြောက် မြန်မာနိုင်ငံ လွတ်လပ်ရေးနေ့ အခမ်းအနားကို တက်ရောက်လာတဲ့ အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါ က မြန်မာအစိုးရနဲ့ အင်ဒိုနီးရှားအစိုးရအကြား ဆက်ဆံရေးတွေ တနေ့တခြားတိုးတက် ကောင်းမွန်လာနေကြောင်း ၊ မြန်မာပြည်ရဲ့ ဒီမိုကရေစီပြုပြင်ပြောင်းလဲမှုတွေကို အသိအမှတ်ပြုပါကြောင်း စသဖြင့် ပြောဆိုခဲ့ပါတယ်။

2013.01.05

အင်ဒိုနီးရှားနိုင်ငံဆိုင်ရာ မြန်မာသံအမတ်ကြီး ဦးမင်းလွင် ကလည်း မြန်မာနဲ့ အင်ဒိုနီးရှား နှစ်နိုင်ငံအကြား အပြန်အလှန်လေးစားမှုနဲ့ နားလည်မှုတို့ကိုအခြေခံပြီး နွေးထွေး ချစ်ကြည်စွာဆက်ဆံရေးကို ထူထောင်ထားရှိခဲ့ကြောင်း အင်ဒိုနီးရှား နိုင်ငံခြားရေးဝန်ကြီး မာတီနာတာလီဂါဝါကို ပြန်လည်ပြောဆိုပါတယ်။

အင်ဒိုနီးရှားနိုင်ငံခြားရေးဝန်ကြီး မာတီနာတာလီဂါဝါ ဟာ မနက်ဖန် ဇန်နဝါရီလ ၇ရက်နေ့မှာ မြန်မာနိုင်ငံကို ၂၄ နာရီကြာ အလည်အပတ်သွားရောက်ပါလိမ့်မယ်။

အဲဒီခရီးစဉ်အတွင်း ရခိုင်ပြည်နယ်က ဒုက္ခသည်တွေအတွက် အမေရိကန် ဒေါ်လာ ၁သန်းလှူဒါန်းမယ်လို့ အင်ဒိုနီးရှားနိုင်ငံက ထုတ်ပြန်ကြေညာထားပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။