အစိုးရသတင်းစာတွေ လူထုကြိုက် ပြောင်းလဲမယ်လို့ဆို

အစိုးရချုပ်ကိုင်ထားတဲ့ မြန်မာ့အလင်း၊ ကြေးမုံ နဲ့ အင်္ဂလိပ်ဘာသာနဲ့ထုတ်ဝေတဲ့ New Light of Myanmar စတဲ့ သတင်းစာတွေကို ပြည်သူလူထုကြိုက်ပြောင်းလဲဖန်တီးထုတ်ဝေတဲ့အခါ အဆင်ပြေချောမွေ့အောင် အများပြည်သူဝန်ဆောင်မှုသတင်းစာအုပ်ချုပ်ရေးအဖွဲ့ ဆိုတဲ့အဖွဲ့ တည်ထောင်လိုက်တဲ့အကြောင်း အောက်တိုဘာလ ၂၀ ရက်နေ့ ဒီနေ့ထုတ်သတင်းစာ တွေမှာဖေါ်ပြထားပါတယ်။

2012.10.20
nlm-b305 အစိုးရသတင်းစာ ရောင်စုံနဲ့ တွေ့မြင်လာရစဉ်
Photo: RFA

ပြန်ကြားရေးဝန်ကြီးဌါန ဒုတိယဝန်ကြီး ဦးရဲထွတ်က အရင်ခေတ်ကသတင်းစာတွေဟာ နိုင်ငံတော်ပိုင် မီဒီယာတွေဖြစ်တဲ့အတွက် အစိုးရအမြင်နဲ့ ပါလီမန်သတင်းတွေလောက်ပဲ အဓိကထားဖေါ်ပြခဲ့တာတွေ ရှိတဲ့အကြောင်းနဲ့၊ အခုနောက်ပိုင်းမှာတော့ အစိုးရရဲ့မူဝါဒတွေကို ထောက်ပြဝေဖန်နိုင်ခွင့်ရလာ နိုင်တယ်လို့ ပြောဆိုတဲ့အကြောင်း AFP သတင်းမှာဖေါ်ပြထားပါတယ်။

သတင်းစာအုပ်ချုပ်ရေးအဖွဲ့ဝင်တဦးဖြစ်တဲ့ ဦးရဲနိုင်မိုးကတော့ အခုပြောင်းလဲထုတ်ဝေမယ့် သတင်းစာတွေမှာ ပြောရေးဆိုခွင့်မရတဲ့ပြည်သူတွေ၊ တိုင်းရင်းသားတွေရဲ့ အသံတွေကြားရအောင် ဦးစားပေးတာမျိုးတွေဖြစ်လာနိုင်မယ်လို့ပြောဆိုကြောင်း AFP သတင်းကဆိုပါတယ်။

မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။