လယ်ယာမြေဥပဒေ မူကြမ်း ဆိုင်းငံ့ထားဖို့ နိုင်ငံရေးပါတီ ၁၀ ခုက တိုက်တွန်း

လွှတ်တော်မှာ ကြံ့ခိုင်ဖွံ့ဖြိုးရေး ပါတီက တင်သွင်းထားတဲ့ လယ်ယာမြေ ဥပဒေ မူကြမ်းဟာ တောင်သူ လယ်သမားတွေကို နစ်နာစေနိုင်တဲ့ အတွက် အတည်မပြုသေးဘဲ ဆိုင်းငံ့ထားဖို့ နိုင်ငံရေး ပါတီ ၁၀ ခုက လွှတ်တော် အကြီးအကဲတွေထံ မနေ့က စာရေးသား တိုက်တွန်းလိုက်ကြ ပါတယ်။

2011.11.16
farmers_planting_rice_305px.jpg ရေသွင်း လယ်ကွင်းတခုတွင် ပျိုးပင်များ စိုက်နေသော လယ်သူမများ ဖြစ်ပါသည်။ (Photo: AFP)
(Photo: AFP)

ဒီဥပဒေမူကြမ်းနဲ့ ပတ်သက်လို့ ၂၀၁၀ ရွေးကောက်ပွဲကို ဝင်ရောက် ယှဉ်ပြိုင်ခဲ့တဲ့ ဒီမိုကရေစီ မိတ်ဆွေ ပါတီများ အဖွဲ့ဝင် ၁၀ ပါတီ ခေါင်းဆောင်တွေ ဆွေးနွေး တိုင်ပင်ပြီး အခုလို စာရေးသား တောင်းဆိုလိုက်တာလို့ ဒီမိုကရက်တစ် ပါတီ (မြန်မာ) ဥက္ကဋ္ဌ ဦးသုဝေက ပြောပါတယ်။

လယ်ယာမြေနဲ့ ပတ်သက်တဲ့ ဥပဒေတွေ ပြုစု ပြဋ္ဌာန်းရာမှာ လယ်သမားတွေ အတွက် အကျိုးရှိအောင် စူးစမ်း လေ့လာ ဆောင်ရွက်ဖို့ လိုအပ်ကြောင်းကိုလည်း ဒီမိုကရေစီ မိတ်ဆွေ ပါတီများ အဖွဲ့က တိုက်တွန်းထား ပါတယ်။

လွှတ်တော်မှာ လယ်ယာမြေ ဥပဒေ မူကြမ်းကို ကြံ့ခိုင် ဖွံ့ဖြိုးရေး ပါတီရဲ့ ဟင်္သာတမြို့နယ် ပြည်သူ့လွှတ်တော် ကိုယ်စားလှယ် ဦးဌေးဦးက တင်သွင်းခဲ့တာလို့ သိရပါတယ်။ ဦးဌေးဦးဟာ ပြီးခဲ့တဲ့ စစ်အစိုးရ လက်ထက်က လယ်ယာ စိုက်ပျိုးရေးနဲ့ ဆည်မြောင်း ဝန်ကြီး အဖြစ် ဆောင်ရွက်ခဲ့တဲ့ ဗိုလ်ချုပ်ဟောင်း တစ်ဦးလည်း ဖြစ်ပါတယ်။

ဆက်နွယ်သောသတင်းများ
သတင်းများ
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။