နိုင်/ကျဉ်းဟောင်းများအဖွဲ့ချုပ် ဖြစ်မြောက်ရေးကော်မတီ (ယာယီ) ဖွဲ့စည်း

ဒီကနေ့ နေ့လည်ပိုင်း ဗဟန်းမြို့နယ်၊ ရွှေတိဂုံဘုရားအနီးက M3 စားသောက်ဆိုင်မှာ ကျင်းပတဲ့ နိုင်ငံရေး အကျဉ်းသားဟောင်းများ အဖွဲ့ချုပ် ဖြစ်မြောက်ရေးကော်မတီရဲ့ အစည်းဝေးမှာ ကော်မတီဝင် (၁၅) ဦး ပါဝင်တဲ့ နိုင်ငံရေး အကျဉ်းသားဟောင်းများ အဖွဲ့ချုပ် ဖြစ်မြောက်ရေးကော်မတီ(ယာယီ) ကို ဖွဲ့စည်းလိုက်တာ ဖြစ်ပါတယ်။

ဒီကနေ့ ကျင်းပတဲ့အစည်းဝေးကို ၈၈ မျိုးဆက်ကျောင်းသားတွေ၊ နိုင်ငံရေး အကျဉ်းသားဟောင်းတွေ၊ အမျိုးသားဒီမိုကရေစီ အဖွဲ့ချုပ်က နိုင်ငံရေး အကျဉ်းသားဟောင်းတွေအပြင် Generation Wave နဲ့ ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်တို့က နိုင်ငံရေး အကျဉ်းသားဟောင်းတွေပါ တက်ရောက်ခဲ့ကြပါတယ်။