အမှု ရုံးချိန်းစောင့်နေချိန် ဖမ်းမိနွား ၉၀ ကျော် အစာခက်ခဲ

"အဲဒီ နွားတွေက တရားရုံးရောက်သွားပြီ။ တရားရုံးရောက်သွားတဲ့အခါကျတော့ ပြီးခဲ့တဲ့ ၁၆ ရက်နေ့က တရားသူကြီးက ဒီနွားတွေကို ရဲတွေက ပြုစုစောင့်ရှောက်ခွင့်ရတယ်၊ တရားရေးရဲ့ အမိန့်ကို စောင့်နေရတယ်။ ဒီနွားတွေရဲ့ အဓိက တရားခံ ၃ ယောက်ကိုတော့ ဖမ်းထားပြီးတော့ ကျန်တဲ့ တရားခံ ၃၂ ယောက်ကိုတော့ ဝရမ်းပြေး ကြေညာထားပါတယ်။ လာမယ့် ၁၀ လပိုင်း ၁၁ ရက်နေ့ထိအောင် ရုံးချိန်းက စောင့်ရဦးမှာပါ ။ အဲဒီအတွက်လည်း သက်ဆိုင်ရာ တာဝန်ရှိပုဂ္ဂိုလ်တွဘက်က ဒီနွားတွေကို အသက်ဘေးကယ် ဆယ်အောင် စောင့်ရှောက်တဲ့အနေနဲ့ မှန်ကန်တဲ့ ဆုံးဖြတ်ချက်တစ်ခုဟာ အမြန်ဆုံး ချမှတ်ပေးမှသာ လျင် နွားတွေရဲ့ နေပူတို့၊ မိုးရွာတို့ အစားအစာပြည့်ဝမှုဟာ တရားရုံးရဲ့ အစီအစဉ်က အဓိကကျနေပါတယ်။"

လက်ရှိ ထိန်းသိမ်းထားတဲ့ နွားတွေဟာ စည်ပင်စည်းကမ်းနဲ့ အညီ သားသတ်ခွင့်လိုင်စင်မရှိတဲ့ အမျိုး အစားတွေဖြစ်ပြီး ခိုင်းနွား၊ နို့စားနွားမ၊ တောင်သူခွင်မှာ အသုံးတည့်တဲ့ နွားနဲ့ အသက် ၁၆ နှစ်အောက်ပဲ ရှိတဲ့ နွားတွေကို သတ်ဖြတ်ပိုင်ခွင့်မရှိကြောင်း ဥပဒေက ပြဌာန်းထားတယ်လို့ ဆရာတော်က မိန့်ပါတယ်။

ရွှေပြည်သာမြို့နယ် အမှတ် ၈ ရပ်ကွက် ဘောလုံးကွင်းမှာရှိတဲ့ နွားတွေရဲ့ လုံခြုံရေးကို ရွှေပြည်သာမြို့နယ် ရဲစခန်းက တာဝန်ယူထားရပြီး အဲဒီနွားတွေရဲ့ ကျွေးမွေးစရိတ်ဟာ တစ်နေ့ကို ၄ သိန်းနီးပါး ကျသင့်တယ်လို့ ဆရာတော် ဦးပါမောက္ခ က မိန့်ပါတယ်။ မူလက နွားအကောင်ရေ ၉၃ ကောင်ကို ဖမ်းဆီးထိန်းသိမ်းခဲ့ပေမယ့် ၃ ကောင် က သေဆုံးသွားပါတယ်။

အဲဒီနွားတွေကို ရွှေပြည်သာမြို့နယ် အမှတ် ၆ ခလရ ခြေလျင်တပ်ရင်းမှာ ပြီးခဲ့တဲ့ အောက်တိုဘာလ ၁၂ ရက်နေ့ ညပိုင်းက တွေ့ခဲ့တာဖြစ်ပြီး ဒီအမှုမှာပါဝင်တဲ့ တပ်ကြပ် ကျော်စိုးကို စစ်ဥပဒေအရ အရေးယူထားပါတယ်။

ဒီနွား အကောင် ၉၀ ရဲ့ စားသောက်စရိတ်ဟာ အလှုရှင်တွေရဲ့ အကူအညီနဲ့ ရပ်တည်နေရတာဖြစ်ပြီး နွားတွေ အတွက် ကျွေးမွေးစရိတ်ဟာ မနက်ဖြန် တစ်ရက်သာ ကျန်ရှိတော့တယ်လို့ ဆရာတော် ဦးပါမောက္ခ က မိန့်ပါတယ်။