ထိုင်ခုံခါးပတ် မပတ်တဲ့ ယာဉ်မောင်း ၆၃၀ ကျော်ကို အရေးယူ

"လူတိုင်းလည်း ကျယ်ကျယ်ပြန့်ပြန့်သိပ်မသိသေးဘူး၊ ပညာပေးကာလ လုပ်တော့လုပ်ထားတာပဲ၊ တချို့ကားတွေဆို ခါးပါတ်မပါတာမျိုးတွေရှိတယ်၊ ဒိုင်နာတွေဆိုတာ ကုန်တင်တဲ့ကားတွေကို လူစီးကားတွေ လုပ်ထားတာလေ"

ရန်ကုန်တိုင်းဒေသကြီးမှာ ၄၆၂ မှု၊ မန္တလေးတိုင်းဒေသကြီးမှာ ၆၁ မှု၊ ဧရာဝတီတိုင်းဒေသကြီးမှာ အမှု ၅ဝ နဲ့ မွန်ပြည်နယ်မှာ အမှုပေါင်း ၄၀ ဖြစ်ပွားခဲ့တာဖြစ်တယ်လို့ သိရပါတယ်။

ခါးပတ် ပတ်ခြင်းမရှိတဲ့ ယာဉ်မောင်းတွေကို ဇန်နဝါရီ ၁ ရက်နေ့ကစတင်ပြီး ငွေကျပ် ၃ သောင်းထက်မပိုတဲ့ ဒဏ်ငွေချမှတ်ကာ အရေးယူဆောင်ရွက်နေတာဖြစ်ပြီး အိမ်စီးကားတွေအပြင် မြို့တွင်းဘတ်စ်ကား၊ အဝေးပြေးကားတွေနဲ့ ကုန်တင်ကားတွေကိုပါ ဖမ်းဆီးအရေးယူနေတာဖြစ်ပါတယ်။