ချင်းတွင်းမြစ်ထဲ ရေယာဉ်နှစ်စီး တိုက်မိ

"အမှန်က ညမောင်းတာဆိုတော့ တစီးနဲ့တစီး မီးအားက မကောင်းတော့ ဆီပေပါတင်တဲ့ရေယာဉ်က ခရီးသည်တင်တဲ့ ရေယာဉ်ကို ခါးဖြတ်တိုက်တယ်လို့တော့ အဲ့ရေယာဉ်မှာ ပါလာတဲ့ ခရီးသည် တစ်ယောက်က ပြောတယ်ဗျ။ ပေပါအလုံး ၄၀၀ လောက် တင်လာတဲ့ယာဉ်က ပွတ်တိုက် လိုက်တော့ ရေတွေဝင်လာတယ်။ ရေငယ်နေလို့ပေါ့ဗျာ။ ပြီးခဲ့တဲ့ အောင်စိုးမိုးကျော် တိုက်ခဲ့တဲ့အချိန်တုန်း ကလိုဆို တစ်စီးလုံးမြုပ်မှာပေါ့။ ရေက ချောင်းရေတွေ ဘာတွေမရှိတော့ဘူး။ မရှိတော့ ရေကလည်း ငြိမ်နေတဲ့အချိန်၊ ကမ်းကလည်း တိမ်နေတဲ့ အချိန်မို့လို့ပေါ့။ ၈ နာရီလောက်ဆိုတော့ လူတွေ မအိပ်ကြတဲ့ အချိန်မို့လို့ပေါ့ဗျာ။"

အဲဒီ ရေယာဉ်မတော်တဆမှုကြောင့် ဒဏ်ရာရရှိခဲ့သူ ၃ ယောက်ကတော့ ကနီမြို့နယ် ကင်းတိုက်နယ်ဆေးရုံ မှာ ဆေးကုသမှုခံယူခဲ့ရပြီး အခုအချိန်မှာတော့ ဆေးရုံက ဆင်းသွားပြီလို့ ဦးထွန်းထွန်းဝင်း က ပြောပါတယ်။

မော်တော်ရေယာဉ်နှစ်စီးက ယာဉ်မောင်း နှစ်ယောက်လုံးကို ရေယာဉ်ကို မဆင်မခြင်မောင်းနှင်မှု ရာဇသတ်ကြီး ဥပဒေ ပုဒ်မ ၂၈၀ ၊ ရေယာဉ်မဆင်မခြင်မောင်းနှင်မှုကြောင့် လူတစ်ဦးတစ်ယောက်ကို ထိခိုက်ဒဏ်ရာရစေမှု ပုဒ်မ ၃၃၇၊ ၃၃၈ တို့နဲ့ မောက္ကတော် ရဲစခန်းမှာ အမှုဖွင့်အရေးယူထားတယ်လို့ မောက္ကတော် ရဲစခန်းတာဝန်ရှိသူ တစ်ယောက်က ပြောပါတယ်။