လက်ပံတောင်းတောင်နှင့်ချင်းတွင်းအလှ သဘာဝကာကွယ်ထိန်းသိမ်းရေး နှီးနှောဖလှယ်ပွဲ ကျင်းပ

လက်ပံတောင်းတောင် ကြေးနီစီမံကိန်းအပေါ် ထားရှိတဲ့ ဒေသခံပြည်သူတွေရဲ့ သဘောထားဆန္ဒတွေကို လွှတ်တော်ထဲရောက်အောင် ၈၈ မျိုးဆက် ကျောင်းသားတွေက ကူညီဆောင်ရွက်ပေးမယ်လို့ အဲဒီအခမ်းအနားမှာ ၈၈ မျိုးဆက် ကျောင်းသားခေါင်းဆောင် ကိုမင်းကိုနိုင်က ပြောကြားသွားပါတယ်။

ဒီကနေ့ အခမ်းအနားကို လက်ပံတောင်းတောင်ဒေသ ဝက်မှေးကျေးရွာသူ မသွဲ့သွဲ့ဝင်း၊ ကြေးနီစီမံကိန်းမှာ တာဝန်ထမ်းဆောင်ဖူးတဲ့ စီမံကိန်း အင်ဂျင်နီယာ ဦးအောင်ကျော်ဇံ စတဲ့ ဒေသခံတွေ၊ သဘာဝပတ်ဝန်းကျင် ထိန်းသိမ်းရေး ပညာရှင်တွေ ဖြစ်တဲ့ ဦးဝင်းမျိုးသူ၊ ဒေါ်ဒေဝီသန့်ဇင် စတဲ့ပုဂ္ဂိုလ်တွေက ကြေးနီစီမံကိန်းကြောင့် လက်ရှိဖြစ်ပေါ်နေတဲ့ သဘာ၀ ပတ်ဝန်းကျင်ဆိုင်ရာ ပျက်ဆီးနေမှုတွေ၊ သဘာဝပတ်ဝန်းကျင်ဆိုင်ရာ ဖြစ်ပေါ်လာမယ့် ဘေးဒုက္ခ အန္တရာယ်တွေကို ဟောပြော ဆွေးနွေးခဲ့ကြပါတယ်။

အဲဒီအခမ်းအနားကို လူ ၁,၀၀၀ နီးပါး တက်ရောက်ခဲ့ကြပြီး တက်ရောက်သူအားလုံးက လက်ပံတောင်းတောင် ကြေးနီစီမံကိန်း လုံးဝရပ်ဆိုင်းရေးအတွက် စုပေါင်း လက်မှတ်ထိုးခဲ့ကြပါတယ်။