ဝန်ကြီးများရုံးမှာ ပထမဆုံးကျင်းပတဲ့ အနုပညာပြပွဲ
2017.01.15
ရန်ကုန်မြို့သိမ်ဖြူလမ်းက ဝန်ကြီးများရုံးမှာ ဇန်နဝါရီလ ၁၅ ရက်နေ့က ပြသထားတဲ့ အနုပညာပြပွဲကို တွေ့ရစဉ်
ရန်ကုန်မြို့သိမ်ဖြူလမ်းက ဝန်ကြီးများရုံးမှာ ခေတ်သစ်အနုပညာရှင် Wolfgang Laib ရဲ့ "ရေမြေအဆုံးနေရာထိ တိုင်အောင်" လို့ အမည်ပေးထားတဲ့ အနုပညာပြပွဲကို မနေ့ကစပြီး ပြသနေပါတယ်။
မြန်မာနိုင်ငံမှာ ပထမဆုံးအနေနဲ့ Goethe -Institute မြန်မာနဲ့ ဂျာမနီမှာရှိတဲ့ နိုင်ငံခြားရေးဝန်ကြီးဌာနတို့ ပူးပေါင်းပြီး အနုပညာရှင် Wolfgang Laib ရဲ့ထင်ရှားတဲ့ လက်ရာတွေကို ပြသနေပါတယ်။
အဲဒီပြပွဲကို လာမယ့် ဖေဖော်ဝါရီလ ၄ ရက်နေ့ အထိ ပြသသွားမှာဖြစ်ပါတယ်။
မြန်မာနိုင်ငံသူ နိုင်ငံသားတွေရဲ့ တန်ဖိုးမဖြတ်နိုင်တဲ့ သမိုင်းအမွေဖြစ်တဲ့ ဝန်ကြီးများရုံးမှာ အနုပညာလုပ် ငန်းတွေ ပြသခွင့်ရဖို့အတွက် အခက်အခဲတွေ များစွာ ရင်ဆိုင်ခဲ့ရပေမယ့် ဂုဏ်ယူမိတယ်လို့ Goethe -Institut ရဲ့ ဒါရိုက်တာ Franz Xaver Augustin က ပြောပါတယ်။
အနုပညာရှင် Wolfgang Laib ဟာ အရေးပါဆုံးသော ခေတ်ပေါ်အနုပညာရှင် တစ်ရာထဲမှာ ပါဝင်သူဖြစ်ပြီး ၂၀၁၅ ခုနှစ်မှာ အနုပညာနိုဘယ်လ်ဆု ရရှိထားသူဖြစ် ပါတယ်။
သူ့ရဲ့လက်ရာတွေဟာ ကမ္ဘာ့အကောင်းဆုံး အနုပညာလက်ရာတွေထဲမှာ စာရင်းသွင်း ခံထားရတာဖြစ်ပါတယ်။
ဖတ်ရှုသူအများဆုံး သတင်းများ။
RFA
- ဒေါ်အောင်ဆန်းစုကြည်ကို ၂၀၂၅ ခုနှစ် ပြည်သူ့ဂုဏ်ရည်ဆု ချီးမြှင့်
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၆ ရက်)
- မြန်မာ့ငလျင်ဘေးအကူအညီအတွက် ဂျပန်ကျွမ်းကျင်ပညာရှင်အဖွဲ့ စေလွှတ်မည်
- စစ်ဘက် အကျဉ်းထောင် စီမံခန့်ခွဲမှုအမိန့် NUG ထုတ်ပြန်
- စစ်ကောင်စီ အပစ်ရပ်ကြေညာပြီး တိုက်ခိုက်မှုတွေ ဆက်လုပ်နေကြောင်း ကုလပြော
ဖတ်ရှုသူအများဆုံး သတင်းများ။
သတင်းများ
- ငလျင်ဘေးသင့်ပြည်သူ ၄ဝ,ဝဝဝ ကျော် ယာယီ အမိုးအကာတွေ နဲ့ နေထိုင်နေရ
- အပစ်ရပ်ကာလ စစ်ကောင်စီတိုက်ခိုက်မှုကြောင့် အရပ်သား ၂၀ သေဆုံးခဲ့ကြောင်း KNU ပြော
- ဗိုလ်ချုပ်မှူးကြီးမင်းအောင်လှိုင် အပါအဝင် ၁၀၆ ဦး နဲ့ အဖွဲ့အစည်း ၂၂ ခုကို EU က ပိတ်ဆို့မှု သက်တမ်း ထပ်တိုး
- RFA မြန်မာပိုင်း ရေဒီယို အထူးအစီအစဉ် (၂၀၂၅ ဧပြီ ၂၅ ရက်)
- ရေစကြိုမြို့နယ် ဗလဘရွာလုံးကျွတ် မီးရှို့ဖျက်ဆီးခံရ