မဲဆောက်မှာ မြန်မာတွေနေထိုင်တဲ့ အိမ်တွေ ဒုတိယအကြိမ်အစစ်ခံရ

တင်အောင်ခိုင်
2023.05.14

မဲဆောက်မြို့၊ မယ်ပရပ်ကွက်မှာရှိတဲ့ မာလွေအိမ်ယာကို မေလ ၁၄ ရက်နေ့ ညနေ၆နာရီခန့်က ရဲနှင့်စစ်တပ်က အိမ်ယာတစ်ခုလုံးက ရှိအခန်းများကို တစ်ခန်းဝင်တစ်ခန်းထွက် စစ်ဆေးခဲ့ပါတယ်။

အခုလို စစ်ဆေးတာဟာ မေလ ၁၄ ရက်နေ့ ညနေပိုင်းက မာလွေအိမ်ယာအစွန်မှာရှိတဲ့ လုံးချင်းအိမ်တစ်အိမ်မှာ ပေါက်ကွဲမှုဖြစ်ခဲ့ပြီး မီးသတ်နဲ့ ရဲက ရောက်လာချိန်မှာ အိမ်အတွင်း လက်နက်ထုတ်လုပ်နေတာကို တွေ့ရှိသွားတာကြောင့်လို့ မာလွေ အိမ်ယာမှာ နေထိုင်သူတစ်ဦးက RFA ကို ပြောပါတယ်။

ပြီးခဲ့တဲ့ မတ်လ ၂၂ရက်နေ့ကလည်း အဲ့ဒီအိမ်ယာမှာနေထိုင်သူအားလုံးကို လမ်းမပေါ်ကို ဆင်ခိုင်းပြီး ထိုင်းစစ်တပ်၊ ရဲနဲ့ လဝကတို့က စစ်ဆေးခဲ့ကြပါသေးတယ်။

မေလ ၁၄ ရက်နေ့ဟာ ထိုင်းနိုင်ငဲမှာ ရွေးကောက်ပွဲကျင်းပတဲ့နေ့ဖြစ်ပြီး တစ်နိုင်ငံလုံး လုံခြုံရေး တင်းကြပ်ထားတာဖြစ်ပါတယ်။ အစစ်ဆေးခံရတဲ့ မာလွေအိမ်ယာမှာ နေထိုင်သူတစ်ဦးကို ဦးတင်အောင်ခိုင် ဘန်ကောက်မြို့ကနေ ဆက်သွယ်မေးမြန်းထားပါတယ်။

ဆက်နွယ်သောသတင်းများ
မေးမြန်းခန်း
မှတ်ချက်ပေးပို့ရန်

မှတ်ချက်များကို အောက်ပါ ပုံစံတွင် ရေးသားနိုင်ပါသည်။ RFA ၏ အသုံးပြုခြင်းဆိုင်ရာ စည်းမျဉ်းစည်းကမ်းများနှင့် အညီ လိုအပ်လျှင် တည်းဖြတ်ပြီး ဖော်ပြပါမည်။ မှတ်ချက်များကို ရေးပြီးပြီးချင်း ချက်ခြင်း မြင်ရမှာ မဟုတ်ပါ။ တင်ပြထားသော မှတ်ချက်ပါ အကြောင်းအရာများ အတွက် RFA မှာ တာဝန်မရှိပါ။ ကျေးဇူးပြု၍ တခြား မှတ်ချက်ရေးသူများ၏ အမြင်ကို လေးစားပြီး အကြောင်းအရာကိုသာ အဓိကထား ရေးသားစေလိုပါသည်။