ཐེ་ཝན་གྱི་འོས་འགན་དམག་ཞབས་ཀྱི་དུས་ཡུན་ཇེ་རིང་ལ་བཏང་བ།
ཨེ་པི།
ཐེ་ཝན་གྱི་སྲིད་འཛིན་ལྕམ་ཚེ་དབྱིང་ཝེན་ལགས་ཀྱིས་ཟླ ༡༢ པའི་ཚེས ༢༧ ཉིན་གསལ་བསྒྲགས་ཤིག་སྤེལ་ནས། རྒྱ་ནག་པེ་ཅིང་གི་འཇིགས་སྐུལ་རིགས་ཇེ་ཆེ་ནས་ཇེ་ཆེ་ཡིན་སྟབས། ཐེ་ཝན་གྱི་འོས་འགན་དམག་ཞབས་གྱི་དུས་ཡུན་དེ་ཟླ་བཞི་ནས་ལོ་གཅིག་ལ་སྤར་རྒྱུ་དང་། ཆབས་ཅིག་ཏུ་ལྕམ་ཚེ་དབྱིན་ཝིན་ལགས་ཀྱིས་ཐེ་ཝན་སྟོབས་ཆེན་པོ་ཆགས་ན་འཛམ་གླིང་གི་རང་དབང་དམངས་གཙོའི་ཞིང་ས་ཡིན་པ་ལས། གཡུལ་ས་རུ་གྱུར་མི་སྲིད་ཅེས་གསུངས་ཡོད་པ་རོ་ཡེ་ཊིར་གསར་ལས་ཁང་གིས་གནས་ཚུལ་ནང་བཀོད་འདུག
AFP གསར་ལས་ཁང་གིས་གནས་ཚུལ་ནང་། ལྕམ་ཝེ་དབྱིང་ཝེན་ལགས་ཀྱིས་གསར་འགོད་གསལ་བསྒྲགས་སྐབས། ད་ལྟའི་ཟླ་བཞིའི་འོས་འགན་དམག་ཞབས་དུས་ཡུན་གྱིས་དུས་ནས་དུས་སུ་འགྱུར་བ་ཐེབས་བཞིན་པའི་རྣམ་པར་གདོང་ལེན་བྱེད་ཐབས་མེད་དུས། ང་ཚོས ༢༠༢༤ ལོ་ནས་བཟུང་འོས་འགན་དམག་ཞབས་ཀྱི་དུས་ཡུན་དེ་ལོ་གཅིག་ལ་སྤར་རྒྱུ་ཡིན། བཅོས་སྒྱུར་དེ ༢༠༢༥ ལོའི་རྗེས་སུ་སྐྱེས་པ་ཚང་མར་ཁྱབ་ཀྱིན་ཡོད་ཅེས་འགྲེལ་བརྗོད་གནང་ཡོད་པ་རེད།
རྒྱ་ནག་ཕྱི་འབྲེལ་ལྷན་ཁང་གི་མགྲིན་ཚབ་པ་ཝང་ཝིན་པིང་གིས་ཐེ་ཝན་མི་མང་ཐེ་ཝན་ཁ་བྲལ་རིང་ལུགས་པའི་མདོས་གླུད་བྱེད་འདོད་མེད་ཅེས་འཆར་ཅན་གསར་འགོད་ལྷན་ཚོགས་སྐབས་བཤད་འདུག
མི་འབོར་བྱེ་བ་གཉིས་དང་ས་ཡ་བཞི་ཡོད་པའི་དམངས་གཙོའི་ལམ་ལུགས་ཡིན་པའི་ཐེ་ཝན་གླིང་ཕྲན་ལ་རྒྱ་ནག་པེ་ཅིང་གཞུང་གི་འཇིགས་སྐུལ་བྱས་དང་བྱེད་བཞིན་ཡོད་ལ། པེ་ཅིང་གཞུང་གི་ཐེ་ཝན་ནི་རྒྱ་ནག་གི་ཆ་ཤས་སུ་འདོད་པ་མ་ཟད། ནམ་ཞིག་གི་ཉིན་མོར་གཅིག་གྱུར་བྱེད་རྒྱུ་དང་། དགོས་དབང་ལ་ཐུག་ན་དྲག་ཤུགས་ཀྱི་ལམ་ནས་ལེན་ངེས་ཡིན་ཞེས་ཐ་ཚིག་བསྒྲགས་ཡོད་ཚུལ AFP གསར་ལས་ཁང་གིས་གནས་ཚུལ་ནང་བཀོད་འདུག
ད་ལོའི་ཟླ ༡༠ པར་ཞི་ཅིན་ཕིང་གིས་འགོ་ཁྲིད་ཀྱི་ལས་ཡུན་གསུམ་པར་སྤར་རྗེས། ཐེ་ཝན་གཅིག་གྱུར་གྱི་ལས་དོན་དེ་བུ་རབས་ཚ་རྒྱུད་དུ་འགྱངས་མི་སྲིད་ཅེས་བཤད་ཡོད་པ་དང་། ༡༩༤༩ ལོའི་ལོའི་རྗེས། རྒྱ་ནག་སྐམ་ས་དང་ཐེ་ཝན་གླིང་ཕྲན་གཉིས་ཁ་བྲལ་ཡོད་པ་རེད།
གསར་འགོད་པ། སྟག་ལྷ་རྒྱལ།
རྩོམ་སྒྲིག་པ། དཔལ་ལྡན་རྒྱལ།
དྲྭ་ཐོག་སྤེལ་མཁན། ཡེ་ཤེས་བཀྲ་ཤིས།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཁྲིམས་ཁང་གིས་ཨེ་ཤེ་ཡ་རང་དབང་རླུང་འཕྲིན་ཁང་གི་མ་དངུལ་མཁོ་སྤྲོད་དགོས་པའི་ཁྲིམས་ཀྱི་ཐག་གཅོད་ལ་ཨེ་ཤེ་ཡ་རང་དབང་རླུང་འཕྲིན་ཁང་གིས་དགའ་བསུ་ཞུས།
- བཙན་བྱོལ་བོད་མིའི་སློབ་གྲྭ་ཟླ་སྒྲིལ་ཚོགས་ཆུང་བསྐོ་འཛུགས་ཀྱིས་སློབ་གྲྭ་ཟླ་སྒྲིལ་གཏང་རྒྱུའི་འཆར་འགོད་གནང་བཞིན་འདུག
- ཨ་རིའི་ཕྱི་སྲིད་དྲུང་ཆེས་ཕྱི་སྲིད་ལས་ཁུངས་ཀྱི་ལས་དོན་དང་འབྲེལ་བའི་འཆར་འགོད་གསར་པ་ཞིག་གི་འོག་འགྲོ་བ་མིའི་ཐོབ་ཐང་སོགས་ཚན་པ་མང་དག་ཅིག་གི་ལས་དོན་མཚམས་འཇོག་བྱ་རྒྱུའི་གསལ་བསྒྲགས་གནང་འདུག
- ཨ་མི་རི་ཀའི་སྲིད་འཛིན་གཞོན་པ་ཇེ་ཊི་ཝེན་སི་མཆོག་གིས་རྒྱ་གར་ནང་གཟིགས་སྐོར་དང་ཆབས་ཅིག རྒྱ་གར་གྱིས་རྒྱ་ནག་ནས་ནང་འདྲེན་གྱི་དྭངས་ལྕགས་རིགས་ལ་སྒོ་ཁྲལ་བརྒྱ་ཆ་ ༡༢ སྤར་ཡོད་པ།
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག