ཧིན་དྷུ་དང་ནང་པའི་དབར་གྱི་རྒྱལ་སྤྱིའི་ཚོགས་འདུ།

༄༅། །གནད་དོན་གླེང་མོལ་གྱི་ལས་རིམ་ནང་།  འཛམ་གླིང་ནང་རྩོད་རྙོག་འདོར་ཐབས་དང་ཁོར་ཡུག་གི་གལ་གནད་སྐོར་གོ་རྟོགས་སྤེལ་རྒྱུའི་ཆེད་ཧིན་དྷུ་དང་ནང་པའི་དབར་གྲོས་མོལ་གྱི་རྒྱལ་སྤྱིའི་ཚོགས་འདུ་ཐེངས་ ༣ པ་དེ་ཕྱི་ཟླ་ ༩ ཚེས་ ༦ ནས་ ༨ བར་སོག་ཡུལ་རྒྱལ་ས་ཨུ་ལན་སྦ་ཏར་དུ་ཚོགས་ཡོད་པའི་སྐོར་དང་།  དེ་བཞིན་ལོ་རྒྱུས་ཐོག་ནས་བོད་བརྒྱུད་ནང་བསྟན་སྤྱི་དང་ལྷག་པར་སྒོ་མང་གྲྭ་ཚང་དང་སོག་ཡུལ་དགོན་ཁག་དབར་གྱི་ཆོས་ཕྱོགས་ཀྱི་འབྲེལ་བའི་སྐོར་ད་ཆ་སོག་ཡུལ་དུ་ཕེབས་ཞུགས་ཚོགས་བཅར་བ་འབྲས་སྤུངས་བཀྲིས་སྒོ་མང་གྲྭ་ཚང་གི་མཁན་རིན་པོ་ཆེ་བློ་བཟང་རྒྱལ་མཚན་མཆོག་དང་ལྷན་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་གནང་།།