དྲག་རྩུབ་ཀྱི་ཁྲིམས་ལུགས་ལག་བསྟར་བྱེད་མཁན་པདྨ་འཕྲིན་ལས།

ཉེ་ལམ་ཨ་རི་གཞུང་གིས་རྒྱ་ནག་མི་དམངས་འཐུས་མིའི་ཚོགས་ཆེན་གྱི་རྒྱུན་ལས་འཐུས་མི་༡༤ལ་བཀག་སྡོམ་ཉེས་ཆད་བཏང་བའི་ཁོངས་སུ་ཡོད་པའི་པདྨ་མ་འཕྲིན་ལས་ཀྱིས་དེ་སྔོན་བོད་རང་སྐྱོང་ལྗོངས་ནང་བོད་མིའི་ཐོག་དྲག་རྩུབ་ཀྱི་ཁྲིམས་ལུགས་ལག་བསྟར་བྱས་ཡོད་ཅིང་།        ལྷག་པར་དུ་ཕྱི་ལོ་༢༠༠༨ལོར་བོད་ནང་གཞི་རྒྱ་ཆེ་བའི་ཞི་རྒོལ་ཆེ་མོ་བྱུང་སྐབས་བོད་མིར་དྲག་གནོན་བྱེད་མཁན་གཙོ་བོ་ཞིག་ཡིན་པ་བོད་ཀྱི་ཆབ་སྲིད་བཙོན་ཟུར་འཇམ་དཔལ་སྨོན་ལམ་ལགས་ཀྱིས་འདི་ག་རླུང་འཕྲིན་ཁང་ལ་གསུངས་ཡོད་པའི་སྐོར་བསྟན་འཛིན་བདེ་སྐྱིད་ལགས་ཀྱིས་སྙན་སྒྲོན་གནང་གི་རེད།