བོད་ནང་ཀོ་ཝིཌ་ ༡༩ ཏོག་དབྱིབས་ནད་ཡམས་ཁྱབ་གདལ་ཇེ་ཆེར་འགྲོ་བཞིན་པ།

བོད་ནང་འདས་པའི་ཉིན་གྲངས་ ༤༠ ལྷག་གི་རིང་ཀོ་ཝིཌ་ ༡༩ ཏོག་དབྱིབས་ནད་ཡམས་ཁྱབ་གདལ་ཇེ་ཆེར་སོང་སྟེ། མང་ཚོགས་ཁྲོད་ནས་རྒྱ་ནག་ས་གནས་གཞུང་གིས་ནད་ཡམས་རྩ་མེད་བཟོ་བའི་སྲིད་བྱུས་འདི་ཚུལ་བཞིན་འཛིན་སྐྱོང་ཡག་པོ་བྱེད་མེད་པའི་ཚོར་སྣང་བརྗོད་བཞིན་ཡོད་ལ། ལྷག་པར་ནད་མནར་མང་ཚོགས་ལ་ཞལ་ལག་མཐེུན་སྐྱོ་པོ་ཡོད་པ་དང་། ནད་རྟགས་ཡོད་མེད་ཀྱི་ནད་པ་མཉམ་འཇོག་བྱས་པ། རྒྱང་སྐྱེད་ཀྱི་ལས་དོན་ཚུལ་བཞིན་ལག་བསྟར་བྱེད་ཀྱི་མེད་པ་བོད་ནང་ནས་ཨེ་ཤེ་ཡ་རང་དབང་རླུང་འཕྲིན་ཁང་ལ་འགྲེལ་བརྗོད་བྱེད་མཁན་བྱུང་ཡོད། ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། བོད་ཀྱི་གསོ་རིག་སྨན་པ་ད་ལྟ་ཨ་རིའི་ཝིསཀོན་སིན་མངའ་སྡེའི་མེ་ཌི་སན་གཙུག་ལག་སློབ་ཆེན་གྱི་ལས་བྱེད་བདག་གཉེར་ཚན་པའི་སྐད་ཡིག་དང་རིག་གཞུང་སྡེ་ཚན་གྱི་ལས་བྱེད་པ་སྨན་རམས་པ་གཡང་འབུམ་རྒྱལ་ལགས་དང་ལྷན་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲིས་དབང་ཕྱུག་ལགས་ཀྱིས་གླེང་མོལ་ཞུས་པ་འདི་གསན་རོགས་གནང་།།
གསར་འགོད་པ། བཀྲིས་དབང་ཕྱུག
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག