སྐུ་ཕུང་ཞུགས་འབུལ་ཟབ་རྒྱས་བྱ་རྒྱུར་དམ་བསྒྲཌ།

ཨ་དཀོན་རིན་པོ་ཆེའི་སྐུ་ཕུང་ཞུགས་འབུལ་ཟབ་རྒྱས་བྱ་རྒྱུར་རྒྱ་ནག་གིས་དམ་བསྒྲགས་བྱས་ནས་མངོན་མེད་སྟབས་བདེ་མ་གཏོགས་བྱེད་དུ་བཅུག་མེད་པ་རེད།

ཉེ་བའི་ཕྱི་ཟླ་བཅུ་པའི་ཚེས་བརྒྱད་ཉིན་ཨ་དཀོན་རིན་པོ་ཆེ་རྒྱ་ནག་གི་ཁྲིན་འདུ་གྲོང་ཁྱེར་དུ་ཡོད་པའི་གཟིམ་ཁང་དུ་ཁོང་དང་འབྲེལ་བ་ཡོད་པའི་ཐུབ་བསྟན་ཀུན་གསལ་དང་། དེ་མིན་གཞན་མི་སྣ་གསུམ་གྱིས་གྲི་རྒྱབ་ནས་བཀྲོངས་པའི་གནས་ཚུལ་བྱུང་ཡོད་པ་རེད།  ཁོང་ནི་ནུབ་ཕྱོགས་སུ་ནང་པའི་བསྟན་པ་དང་པོ་སྤེལ་མཁན་བོད་ཀྱི་བླ་མའི་གྲས་ཤིག་ཡིན་པ་དང་། ཁོང་གིས་Scotland དྲུང་པ་རིན་པོ་ཆེ་ལྷན་དུ་བསམ་བསྟན་གླིང་དགོན་པ་ཕྱག་བཏབ་ཡོད་པ་དང་། དེ་ནས་ཁོང་གིས་བོད་དང་བལ་ཡུལ་ཁུལ་དུ་གཞན་ཕན་དགེ་རྩའི་ལས་དོན་རྒྱ་ཆེ་སྤེལ་ཡོད་པ་རེད།

ད་ཐེངས་ཁོང་སྐུ་བཀྲོངས་བ་དང་། ཁོང་གིས་སློབ་མ་དང་། དད་ལྡན་པ། རྒྱལ་སྤྱིའི་རོགས་པ་ལས་འགུལ་དང་འབྲེལ་ཡོད་ཚོས་ཁོང་གི་སྐུ་ཕུང་ཞུགས་འབུལ་དེ་ཟབ་རྒྱས་ཀྱི་ཐོག་གོ་སྒྲིག་གནང་རྒྱུའི་འཆར་གཞི་གནང་ཡོད་ཀྱང་། བདུན་སྔོན་མའི་ནང་སྐུ་ཕུང་ཞུགས་འབུལ་དེ་མངོན་གསལ་དོད་པོ་མེད་པའི་ཐོག་ནས་གནང་དགོས་བྱུང་ཡོད་པ་རེད་འདུག  དེའི་ཐད་དབྱིན་ཇིའི་BBCགསར་ལས་ཁང་གིས་གནས་ཚུལ་སྤེལ་དོན་ལྟར་ན།  རྒྱ་ནག་གི་འབྲེལ་ཡོད་དཔོན་རིགས་ཚོས་ཨ་དཀོན་རིན་པོ་ཆེའི་སྐུ་ཕུང་ཞུགས་འབུལ་དེ་ཟབ་རྒྱས་ཀྱི་ཐོག་ནས་གནང་རྒྱུ་མེད་པའི་གནོན་ཤུགས་སྤྲད་ནས་ཁོང་གི་སྐུ་ཕུང་ཞུཌ་འབུལ་དེ་གང་མགྱོགས་མངོན་གསལ་དོད་པོ་མེད་པའི་ཐོག་ནས་གནང་དགོས་པའི་བཀའ་བཀོད་བཏང་ཡོད་པ་འཁོད་པ་སྤེལ་འདུག