པཎ་ཆེན་རིན་པོ་ཆེ་སྐུ་ཕྲེང་ ༡༠ ཡང་སྲིད་དུ་ངོས་འཛིན་མཛད་ནས་ལོ་ ༢༦ འཁོར་ཡོད་པ།

༄༅།།ཐེངས་འདིའི་གནད་དོན་གླེང་མོལ་གྱི་ལེ་ཚན་ནང་བོད་ཀྱི་བླ་ན་མེད་པའི་དབུ་ཁྲིད་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་ ༡༩༩༥ ཟླ་ ༥ ཚེས་ ༡༤ ཉིན་བོད་ནག་ཆུ་ལྷ་རི་རྫོང་དུ་འཁྲུངས་པའི་ཁྱེའུ་དགེ་འདུན་ཆོས་ཀྱི་ཉི་མ་མཆོག་༧ཀུན་གཟིགས་པཎ་ཆེན་རིན་པོ་ཆེ་སྐུ་ཕྲེང་ ༡༠ ཡང་སྲིད་དུ་ངོས་འཛིན་མཛད་ནས་འདི་ལོ་བགྲང་བྱ་ཧྲིལ་པོ་ ༢༦ འཁོར་ཡོད་པ་རེད།  དུས་སྐབས་འདི་དང་བསྟུན་ཐེངས་འདིའི་གནད་དོན་གླེང་མོལ་གྱི་ལས་རིམ་ནང་། ༧པཎ་ཆེན་ཨིརྟི་ནི་ཞབས་ཞུ་བསྟི་གནས་ཁང་གི་འགན་འཛིན་སྐུ་ཞབས་བློ་བཟང་རྡོ་རྗེ་ལགས་དང་ལྷན་༧སྐུའི་ཡང་སྲིད་རིན་པོ་ཆེ་ངོས་འཛིན་མཛད་པའི་གནས་སྐབས་སུ་གཞིས་ཀྱི་གདན་ས་བཀྲིས་ལྷུན་པོ་དང་བོད་ནང་གི་སྐབས་དེའི་གནས་སྟངས་ཇི་འདྲ་ཡོད་མེད་དང་། ལྷག་པར་༧པཎ་ཆེན་རིན་པོ་ཆེ་སྐུ་འཁོར་དང་བཅས་པའི་གནས་སྟངས་ཇི་འདྲ་ཡོད་མེད་སོགས་ཀྱི་ཐད་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་བཀྲ་ཤིས་དབང་ཕྱུག་ལགས་ཀྱིས་གླེང་མོལ་ཞུས་པར་གསན་རོགས་ཞུ།།

གསར་འགོད་པ་བཀྲ་ཤིས་དབང་ཕྱུག