འབྲས་སྤུངས་བློ་གསལ་གླིང་གྲྭ་ཚང་གི་མཁན་པོའི་མཛད་འགན་གྱི་དུས་ཡུན་གྲུབ་ཟིན་པ།

རྒྱ་གར་ལྷོ་ཕྱོགས་བྱེས་ཀྱི་གདན་ས་ཆེན་པོ་འབྲས་སྤུངས་བློ་གསལ་གླིང་གྲྭ་ཚང་གི་མཁན་པོའི་མཛད་འགན་དུས་ཡུན་ལོ་དྲུག་ཡིན་སྟབས། སྒྲིག་གཞི་གཞིར་བཟུང་མཁན་པོའི་དུས་ཡུན་ཟིན་རྗེས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་༧སྐུ་མདུན་ནས་དགོངས་ཞུ་བཀའ་འཁྲོལ་ཞུ་དགོས་པ་ལྟར། ད་ལོའི་ལོ་འདིར་ཡང་མཁན་རིན་པོ་ཆེ་མཆོག་སྒྲིག་གཞི་གཞིར་བཟུང་ལོ་དྲུག་རིང་གི་མཁན་པོའི་མཛད་འགན་གྱི་དུས་ཡུན་གྲུབ་རྗེས་སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གིས་དགོངས་ཞུ་བཀའ་འཁྲོལ་ཐོབ་ཡོད་པ་རེད། ཐེངས་འདིའི་ལེ་ཚན་ནང་འབྲས་སྤུངས་བློ་གསལ་གླིང་གྲྭ་ཚང་གི་མཁན་པོའི་མཛད་འགན་དང་མཁན་པོ་གསར་པ་བསྐོ་གཞག་གནང་ཕྱོགས་དང་འབྲེལ་བའི་སྐོར་ད་ལྟའི་མཁན་པོ་ལས་ཐོག་དགེ་བཤེས་བློ་བཟང་བསམ་གཏན་མཆོག་ལ་ཨེ་ཤེ་ཡ་རང་དབང་རླུང་འཕྲིན་ཁང་གི་གསར་འགོད་པ་མཁའ་འགྲོ་གཡང་འཛོམས་ལགས་ཀྱིས་བཀའ་དྲི་ཞུས་པ་ཞིག་གསན་གནང་གི་རེད།

གསར་འགོད་པ། མཁའ་འགྲོ་གཡང་འཛོམས།
རྩོམ་སྒྲིག་པ། དོན་གྲུབ་རྣམ་རྒྱལ།

དྲྭ་ཐོག་སྤེལ་མཁན། ནོར་སྒྲོན།