གཉན་ནད་རེག་དུག་AIDSཕོག་མཁན་ཚོར་བདག་སྐྱོང་གནང་རྒྱུ།

བོད་མིའི་སྒྲིག་འཛུཊ་ཀྱི་འཕྲོད་བསྟེན་བཀའ་བློན་མཆོག་ནས་AIDSའགོས་ནད་ཕོག་པའི་ནད་པར་བདག་སྐྱོང་གནང་རྒྱུ་སོཊ་ཀྱི་གསལ་བསྒྲཊ་གནང་འདུག
དེ་ཡང་དེ་རིང་ཕྱི་ཟླ་བཅིུས་པའི་ཚེས་༡འམ་འཛམ་གླིང་AIDS ཉིན་མོ་དང་སྟབས་བསྟུན་གྱིས་བོད་མིའི་སྒྲིག་འཛུགས་ཀྱི་འཕྲོད་བསྟེན་བཀའ་བློན་མཆོག་གིས་ཡོངས་ཁྱབ་གསལ་བསྒྲགས་ཤིག་གནང་བའི་ནང་། འཛམ་གླིང་AIDS ཉིན་མོ་དེ་ལོ་ལྟར་ཕྱི་ཟླ་༡༢་པོའི་ཚེས་༡་ཉིན་སྲུང་བརྩི་ཞུས་གནང་གི་ཡོད་པ་ནི་ད་བར་AIDS འགོས་ནད་ཀྱི་བརྒྱུད་རིམ་ནས་རྐྱེན་འདས་སུ་གྱུར་བའི་མི་སྣར་དྲན་གསོ་དང་། དེ་བཞིན་འགོས་ནད་དེ་ཕོག་པའི་ནད་པ་ཁག་ལ་བདག་སྐྱོང་གནང་རྒྱུ་གལ་འགངས་ཆེན་པོ་ཡིན་པ། ལྷག་པར་དུ་ནད་གཞི་དེ་རིགས་སྔོན་འགོག་ཆེད་ལས་དོན་སྤེལ་ཕྱོགས་སོགས་ཀྱི་སྐོར་བཀའ་སློབ་རིམ་པ་གནང་ཡོད་པ་རེད། ཡང་གནས་ཚུལ་ནང་མུ་མཐུད་བཀོད་པར་གཞིགས་ན། འཛམ་གླིང་འཕྲོད་བསྟེན་ལས་ཁང་ནས་ཕྱི་ལོ་༢༠༡༣་ལོའི་ནང་འཛམ་གླིང་ནང་AIDS འགོས་ནད་ཁྲོད་ནས་རྐྱེན་འདས་སུ་གྱུར་བ་མི་གྲངས་ས་ཡ་གཅིག་དང་ཕྱེད་ཀ་ཙམ་བྱུང་ཡོད་པ་མ་ཟད། ད་དུང་མི་གྲངས་ས་ཡ་༣༥་ལྷག་ཙམ་ནད་གཞི་དེའི་འོག་ཏུ་གནས་བཞིན་ཡོད་པ་དང་། གསར་དུ་འགོས་ནད་དེ་ཕོག་པའི་མི་མང་ས་ཡ་གཉིས་ལྷག་ཙམ་བྱུང་ཡོད་པ་སོགས་ཀྱི་གནས་སྟངས་སུ་གྱུར་ཡོད་སྟབས་AIDS་ནད་གཞི་དེས་མུ་མཐུད་འཛམ་གླིང་ནང་མང་ཚོགས་ཀྱི་འཕྲོད་བསྟེན་ཐོག་དཀའ་ངལ་ཆེ་ཤོས་ཤིག་ཏུ་གྱུར་ཡོད་ལུགས་འཛམ་གླིང་འཕྲོད་བསྟེན་ལས་ཁང་ནས་གསལ་སྟོན་གནང་ཡོད་པ་སོགས་ལུངས་འདྲེན་གནང་འདུག དེ་ག་ནང་བཞིན་ཡང་འཕྲོད་བསྟེན་བཀའ་བློན་མཆོག་གིས་བོད་མིའི་སྒྲིག་འཛུགས་ཀྱི་འཕྲོད་བསྟེན་ལས་ཁང་ནས་AIDS ནད་གཞི་སྔོན་འགོག་བྱེད་རྒྱུའི་ལས་དོན་གང་ལེགས་སྤེལ་གནང་བཞིན་ཡོད་པ་དང་། ནད་གཞི་དེའི་ཐོག་ནས་རྐྱེན་འདས་སུ་གྱུར་བའི་མི་སྣར་དྲན་རྟེན་དང་།  དེ་བཞིན་འགོས་ནད་དེ་ཕོག་པའི་ནད་པར་བདག་སྐྱོང་གནང་རྒྱུ་སོགས་ཀྱི་སྐོར་གསལ་བསྒྲགས་གནང་ཡོད་པ་རེད།

གསར་འགོད་པ་དབྱངས་སྒྲོལ།