ཡུ་གུར་མི་རིགས་ལ་ངལ་རྩོལ་བསྒྱུར་བཀོད་ལས་སྲུང་སྐྱོབ་ཀྱི་ཆེད་ཨ་རིའི་གྲོས་ཚོགས་ཀྱིས་གྲོས་ཆོད་གཏན་འབེབས་གནང་བ།

རྒྱ་ནག་གིས་ཡུལ་གུར་མི་རིགས་ལ་བཙན་ཤེད་ཀྱིས་ངལ་རྩོལ་བསྒྱུར་བཀོད་བྱེད་པའི་གནད་དོན་ལས་སྲུང་སྐྱོབ་ཀྱི་ཆེད་ཨ་རིའི་གྲོས་ཚོགས་གོང་འོག་གཉིས་ཀྱིས་ཁྲིམས་འཆར་ཞིག་གྲོས་ཚོགས་ནང་ལྷག་བསྡད་ཡོད་པ་དེ་ཆབ་སྲིད་ཚོགས་པ་གཉིས་ཀས་མོས་མཐུན་གཏན་འབེབས་གནང་འདུག་པས། ཁྲིམས་འཆར་དེར་སྲིད་འཛིན་སྦཡེཌན་གྱིས་མཚན་རྟགས་བཀོད་མཚམས། རྒྱ་ནག་གི་མངའ་དབང་དུ་འོག་ཚུད་པའི་ཤིན་ཅང་ས་ཁུལ་གྱི་ངལ་རྩོལ་བར་སྐུལ་འདེད་བྱས་དེ་བཟོས་པའི་ཐོན་རྫས་རྣམས་ཨ་མི་རི་ཀར་ནང་འདྲེན་བྱེད་རྒྱུ་ཡོངས་སུ་བཀག་སྡོམ་བྱ་རྒྱུ་ཡིན་པ་རེད།
ཁྲིམས་ཡིག་འདིའི་འོག་ནས། ཨ་རིའི་འབྲེལ་ཡོད་ཁེ་གཉེར་ལས་ཁང་གིས་དངོས་ཟོག་དེ་དག་བཙན་ཤེད་ཀྱིས་ངལ་རྩོལ་བརྒྱུད་ནས་ཐོན་པ་ཞིག་མ་ཡིན་པ་དཔང་རྟགས་ར་སྤྲོད་གསལ་པོ་ཞིག་སྟོན་དགོས་པར་གྱུར་ཡོད་པ་རེད།
ད་ལྟའི་ཆར་ཨ་རིའི་ནང་སྤྲིན་བལ་མང་ཆེ་བ་ཤིན་ཅང་ས་ཁུལ་ནས་ནང་འདྲེན་བྱེད་ཀྱི་ཡོད་ཅིང་། Nike དང་ Coca Cola བཅས་ཚོང་གཉེར་ཁང་ཆེ་བ་ཁག་ཅིག་གིས་ཨ་རིའི་གྲོས་ཚོགས་ཀྱི་གཏན་འབེབས་བྱས་པའི་ཁྲིམས་འཆར་དེར་ངོ་རྒོལ་བྱེད་བཞིན་ཡོད་པ་དང་། དེས་རྒྱ་ནག་གི་བཟོ་གྲྭར་འབྲེལ་བ་ཆགས་པའི་ཨ་རིའི་དངོས་ཟོག་མཁོ་རྒྱུགས་ལ་ཤུགས་རྐྱེན་ཆེན་པོ་སླེབས་སྲིད་པར་ངོས་འཛིན་གྱི་ཁྲིམས་འཆར་འདིར་རྒྱབ་སྐྱོར་མི་ཡོང་བའི་རེབསྐུལ་བྱས་པའི་གནས་ཚུལ་ཡང་ཐོན་ཡོད་པ་རེད།
གསར་འགོད་པ། བསྟན་འཛིན་ནོར་བུ།
རྩོམ་སྒྲིག་པ། རྡོ་རྗེ་དགྲ་འདུལ།
དྲ་ཐོག་རྩོམ་སྒྲིག་པ། དཔལ་ལྡན་རྒྱལ།
དྲ་ཐོག་སྤེལ་མཁན། རྟ་མགྲིན་དབང་ཕྱུག