དམིཊ་བསལ་སྐུ་ཚབ་སྐལ་བཟང་རྒྱལ་མཚན་ལཊ་ཀྱིས་རྒས་ཡོལ་ཞུས་བ།
2016.06.23
༧གོང་ས་མཆོག་གི་ཡོ་རོབ་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ཀྱི་ཉེ་པར།
པར་ཚགས།
༧གོང་ས་མཆོག་གི་ཡོ་རོབ་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་རྒས་ཡོལ་ཞུས་འདུག
དེ་ཡང་སྤྱི་ཚེས་༢༣ཉིན་༧གོང་ས་མཆོག་གི་ཡོ་རོབ་དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ཀྱིས། དབུས་བོད་མིའི་སྒྲིག་འཛུགས་གྱི་སྲི་ཞུ་འགན་འཁུར་ནས་རྒས་ཡོལ་གནང་རྒྱུ་ཡིན་པའི་གསལ་བསྒྲགས་ཞིག་སྤེལ་ཡོད་པ་དེའི་ནང་། ང་རྒས་ཡོལ་གྱི་ལོ་སླེབས་ཟིན་པ་དང་། སྤྱི་ཟླ་དྲུག་པའི་ཟླ་མཇུག་ནས་ལས་མཚམས་འཇོག་རྒྱུ་ཡིན་པ་གསུངས་འདུག
ད་དུང་ཁོང་གིས་གསལ་བསྒྲགས་དེའི་ནང་། ལོ་རྒྱུས་ཐོག་བོད་མིའི་རང་དབང་འཐབ་རྩོད་ཀྱི་ལས་འགུལ་ནང་ཆ་ཤས་ལེན་རྒྱུའི་གོ་སྐབས་བྱུང་བ་དེ་ནི་ངའི་མི་ཚེའི་ནང་གི་གཟི་བརྗིད་དང་། བོད་མི་ཞིག་ཡིན་པའི་སྤོབས་པ་སྐྱེས་འོས་པ་ཞིག་རེད་ཅེས་དང་། སྤྱིར་སྲི་ཞུའི་ལས་གནས་ནས་རྒས་ཡོལ་ཞུས་ཀྱང་མི་སྒེར་གྱི་ངོ་བོ་ཐོག་ནས་ད་དུང་བོད་ཀྱི་རྩ་དོན་ཐོག་མུ་མཐུད་ཞབས་ཞུ་གནང་རྒྱུ་ཐེ་ཚོམ་མེད་ལ་དེ་བཞིན་བོད་མིའི་རང་དབང་འཐབ་རྩོད་དང་༧གོང་ས་སྐྱབས་མགོན་རྒྱལ་བ་རིན་པོ་ཆེན་མཆོག་ལ་ཞབས་ཞུ་བསྒྲུབ་རྒྱུའི་མི་ཚེའི་ཁ་ཕྱོགས་དེ་ལ་འགྱུར་མེད་གནས་ངེས་ཡིན་པ་བརྗོད་འདུག
ཡང་ཁོང་གིས་གསལ་བསྒྲགས་དེའི་ནང་། བོད་ཀྱི་འཐབ་རྩོད་དེ་ད་ཆ་བོད་ཀྱི་མི་རབས་གསར་པ་དང་། ན་གཞོན་ཚོས་དབུ་ཁྲིད་ཀྱི་འོག་ཤར་བསྐྱོད་གནང་བཞིན་པའི་གནས་སྟངས་གང་ནས་བལྟས་ཀྱང་གདོང་ལེན་བྱེད་ཡུལ་མང་པོ་ཡོད་པ་ཡིན་ན་ཡང་། རྒྱ་ནག་དང་རྒྱལ་སྤྱིའི་ཐོག་འགྱུར་བ་འགྲོ་བཞིན་པའི་གནས་བབས་ལ་བལྟས་ན་ང་ཚོའི་མུ་མཐུད་རེ་བ་གནང་དགོས་རྒྱུ་དེ་རྒྱུ་མཚན་དང་ལྡན་པ་ཞིག་ཡིན་ཅེས་བཀོད་འདུག།
དམིགས་བསལ་སྐུ་ཚབ་སྐལ་བཟང་རྒྱལ་མཚན་ལགས་ལོ་ངོ་༣༠ལྷག་ཙམ་སྔོན་དུ་དབུས་བོད་མིའི་སྒྲིག་འཛུགས་ཀྱི་སྲི་ཞུའི་ལས་དོན་ནང་ཞུགས་པ་དང་། དེ་ཡང་༡༩༨༣ལོར་གོང་ས་སྐྱབས་མགོན་ཆེན་པོ་མཆོག་གིས་ཡོ་རོབ་ནང་གནས་ཞུགས་བོད་རིགས་ན་གཞོན་ཚོར་དབུས་བོད་མིའི་སྒྲིག་འཛུགས་ནང་ཞབས་ཞུ་སྒྲུབ་རྒྱུའི་སྐུལ་ལྕག་གནང་བ་ལྟར་ཁོང་ཞུགས་སྒར་རྡ་རམ་ས་རུ་ཕྱིན་ནས་ལོ་གཅིག་རིང་དངས་བླངས་ཞབས་ཞུ་སྒྲུབ་པ་དང་། དེ་རྗེས་༡༩༨༥་ལོ་ནས་བཟུང་དབུས་བོད་མིའི་སྒྲིག་འཛུགས་ནང་ཞུགས་རྒྱུའི་འབོད་སྐུལ་གནང་བ་བཞིན་ཞབས་ཞུ་འགོ་འཛུགས་གནང་འདུག ཁོང་གིས་ལོ་༣༠་ཙམ་གྱི་རིང་གི་ཞབས་ཞུ་དེར་འདོད་བློ་ཡོངས་སུ་ཁེངས་པ་ཞིག་བྱུང་ལ་སྐད་གཅིག་ཙམ་ལ་ཡང་འགྱོད་པ་རྩ་བ་ནས་མེད། ༧གོང་ས་སྐྱབས་མགོན་ཆེན་པོ་མཆོག་དང་བོད་མིའི་བདེ་དོན་ཐོག་ཞབས་ཞུ་བསྒྲུབ་རྒྱུ་བྱུང་བ་དེ་ཁོང་ཉིད་ལ་གཟི་བརྗིད་དང་དམིགས་བསལ་ཐོབ་ཐང་ཞིག་ལ་ངོས་འཛིན་གྱིས་ཁོང་ཉིད་ཀྱི་མི་ཚེའི་ནང་གི་མདུན་ལམ་གང་ལས་ཀྱང་ལྷག་པ་ཞིག་ཡིན་པ་སེམས་ཡང་ཁོང་གིས་ད་བར་ཡོ་རོབ་ནང་གཞུང་དང་གཞུང་འབྲེལ་མ་ཡིན་པའི་བོད་དོན་རྒྱལ་སྐྱོར་ཚོགས་པ་ཚོའི་བོད་དོན་ཆེད་ཕྱར་གྲུ་མཉམ་གདེགས་གནང་བ་དཀའ་དྲིན་ཆེ་ཞུས་ཡོད་པ་དང་། དེ་བཞིན་Geneva་ནང་དང་། ལོན་ཊོན། བྷེལ་ཛེལ་བཅས་སུ་བོད་མི་ཕྱག་བྲེལ་སྲི་ཞུ་བ་ཚོ་དང་། ཡོ་རོབ་ནང་བོད་དོན་རྒྱབ་སྐྱོར་གོང་འཕེལ་ཡོང་བར་སྔར་བཞིན་ཀྱིས་རྒྱབ་བསྐྱོར་གནང་སྐྱོང་ཡོང་པའི་འབོད་བསྐུལ་ཞུས་འདུག
གསར་འགོད་པ་རྡོ་རྗེ་དགྲ་འདུལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་དཀར་ནག་གཉིས་དབར་འདི་ལོའི་དབྱར་ཁར་རྒྱ་གར་གྱི་གནས་སྐོར་བ་བོད་ནང་གནས་མཇལ་དུ་གཏང་རྒྱུའི་གྲོས་མཐུན་བྱུང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།