ཆོས་ཞུ་བར་དེང་དུས་དང་མཐུན་པའི་ཕྱག་འཁྱེར་གནང་རྒྱུ།
2015.01.12
༧གོང་ས་མཆོག་གི་སྐུ་ཕྱ་དང་ཆོས་ཞུ་བར་སྟབས་བདེ་ཆེད་དེང་དུས་དང་མཐུན་པའི་ཆོས་ཞུ་ཕྱག་འཁྱེར་གནང་རྒྱུ་ཡིན་འདུག
དེ་ཡང་དེ་རིང་ཕྱི་ཟླ་༡པོའི་ཚེས་༡༢ཉིན་བོད་མིའི་སྒྲིག་འཛུགས་ཀྱི་བདེ་སྲུང་ཡན་ལག་འགན་འཛིན་འཇིགས་མེད་རྒྱ་མཚོ་ལགས་ཀྱིས་ཕྱི་ལོ་༢༠༡༥ལོར་བཞུགས་སྒར་རྡ་ས་ཐེག་ཆེན་ཆོས་གླིང་གཙུག་ལག་ཁང་དུ་སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་གསུང་ཆོས་སྩལ་སྐབས་ཆོས་ཞུ་བ་རྣམས་ལ་དེང་དུས་དང་མཐུན་པའི་ཕྱག་འཁྱེར་འབུལ་ཕྱོགས་སྐོར་གསར་འགོད་གསལ་བསྒྲགས་ཤིག་སྤེལ་ཡོད་པ་དང་། སྤྱི་ནོར་༧གོང་ས་སྐྱབས་མགོན་ཆེན་པོ་མཆོག་གིས་གསུང་ཆོས་སྩལ་སྐབས་རྒྱལ་བའི་སྐུ་ཕྱྭའི་ཆེད་དང་། ཆོས་ཞུ་བ་རྣམས་ལ་དཀའ་ངལ་མི་འཕྲད་རྒྱུའི་ཆེད་བདེ་སྲུང་བཀའ་བློན་དང་། དྲུང་ཆེ་རྣམ་གཉིས་ཀྱིས་ཕྱག་འཁྱེར་གསར་བཟོ་དགོས་སྐོར་ལམ་སྟོན་ཕེབས་དོན་ལྟར་བདེ་སྲུང་ཡན་ལག་དང་། ཕྱི་དྲིལ་རྩིས་འཁོར་སྡེ་ཚན་གཉིས་གོ་བསྡུར་གནང་སྟེ་ཆོས་ཞུ་བའི་ཕྱག་འཁྱེར་ལོ་གཅིག་རིང་གནང་རྒྱུ་ཕྱི་ལོ་༢༠༡༤ནས་འགོ་བཙུགས་གནང་བ་ཡིན་ལུགས་གསལ་སྟོན་གནང་འདུག ལྷག་པར་ཆོས་ཞུ་བའི་ཕྱག་འཁྱེར་སྔར་ལྷག་སྟབས་བདེ་ཡོང་ཆེད་དེང་དུས་ཀྱི་འཕྲུལ་རིག་ལག་རྩལ་དང་མཐུན་པའི་ Digitiseབཟོ་ཐབས་ཚོད་ལྟ་རིམ་པ་གནང་ནས་བདེ་སྲུང་བཀའ་བློན་མཆོག་གིས་བཀའ་འཁྲོལ་ལྟར། ཕྱི་ལོ་༢༠༡༥ཕྱི་ཟླ་༡ཚེས་༡༩ནས་འགོ་བཙུགས་ཏེ་ཐོག་མར་དགོན་སྡེ་གྲྭ་ཚང་དང་། ཚོགས་སྡེ་ཁག་གི་སེར་སྐྱ་རྣམས་ཐོ་འགོད་གནང་རྒྱུ་དང་། དེ་ནས་རིམ་བཞིན་མི་མང་རྣམས་ཐོ་འགོད་གནང་རྒྱུ་ཡིན་པ་གསུངས་འདུག དེ་སྔ་ཐོ་འགོད་ཟིན་པ་རྣམས་ནས་ཆོས་ཞུ་བའི་ཕྱག་འཁྱེར་ཨང་གྲངས་སམ་ཕྱག་འཁྱེར་རྙིང་པ་མཉམ་འཁྱེར་གྱིས་གསར་དུ་ཐོ་འགོད་གནང་དགོས་པ་དང་། ལོ་གཅིག་རིང་གི་གསུང་ཆོས་ཕྱག་འཁྱེར་ཞུ་མཁན་རྣམས་ནས་གསུང་ཆོས་ནམ་སྩལ་སྐབས་བདེ་སྲུང་ཡན་ལག་ལས་ཁུངས་སུ་བཅར་ནས་ངེས་པར་དུ་ཐོ་འགོད་དགོས་པ། གསུང་ཆོས་ཕྱག་འཁྱེར་དེ་རྡ་སར་གསུང་ཆོས་སྐབས་ཁོ་ནའི་ཆེད་དུ་ཡིན་པ་སོགས་གསུངས་འདུག་པ་དང་། ཕྱག་འཁྱེར་ཞུ་ཕྱོགས་ཆ་རྐྱེན་ཁག་གསལ་བཀོད་གནང་འདུག
གསར་འགོད་པ་དབྱངས་སྒྲོལ།
བལྟ་བཤེར་མང་ཤོས་བྱས་པའི་གནས་ཚུལ།
RFA
- ཨ་རིའི་གཞུང་ངོས་ནས་རྒྱ་ནག་དང་ལྷན་ཚོང་འབྲེལ་གྲོས་མོལ་བྱས་ཚེ་རྒྱ་ནག་གིས་ཨ་རིའི་ཅ་དངོས་ཐོག་སྒོ་ཁྲལ་གུ་ཡངས་གཏང་རྒྱུ་ཡིན་པ་བརྗོད་འདུག
- རྒྱ་ནག་གཞུང་གི་བཀོད་བྱུས་འོག་གཞུང་འབྲེལ་མིན་པའི་ཚོགས་པས་མཉམ་འབྲེལ་རྒྱལ་ཚོགས་སུ་འགྲོ་བ་མིའི་ཐོབ་ཐང་གི་གནད་དོན་ཐད་ཐེ་བྱུས་བྱེད་བཞིན་ཡོད་སྐོར་སྙན་ཐོའི་གསར་པའི་ནང་གསལ་སྟོན།
- ༸གོང་ས་༸སྐྱབས་མགོན་ཆེན་པོའི་གསེར་ཁྲི་མངའ་གསོལ་མཛད་སྒོའི་སྐབས་ཀྱི་གནས་སྟངས་གསལ་བའི་ཆུ་ཚོན་རི་མོ་ངོ་མ་ ༤༠ ཚོང་སྒྱུར་གནང་རྒྱུ་རེད་འདུག
- བཙན་བྱོལ་ནང་གི་མི་རབས་གཞོན་པ་རྣམས་ལ་བོད་ནང་གི་ཛ་དྲག་གནས་སྟངས་ངོ་སྤྲོད་བྱ་ཆེད། སྙིང་སྟོབས་ཀྱི་འབོད་སྒྲ ཅེས་པའི་གཏམ་བརྗོད་གཟིགས་འབུལ་ཞུ་བཞིན་འདུག
- བྱེས་ཀྱི་གདན་ས་བཀྲིས་ལྷུན་པོ་གཙོས་པའི་བོད་མི་གནས་སྡོད་ས་གནས་ཁག་ཏུ་༸པཎ་ཆེན་དགེ་འདུན་ཆོས་ཀྱི་ཉི་མ་མཆོག་གི་འཁྲུངས་སྐར་སྲུང་བརྩི་ཞུས།
བལྟ་བཤེར་མང་ཤོས་བྱས་པའི་གནས་ཚུལ།
གསར་འགྱུར།
- རྒྱ་ནག་དང་རྒྱ་གར་གཉིས་གྲོས་མོལ་གྱིས། རྒྱ་གར་གྱི་གནས་སྐོར་བ་རྣམས་བོད་ནང་གངས་རིན་པོ་ཆེར་གནས་མཇལ་དུ་བསྐྱོད་རྒྱུ་བསྐྱར་དུ་སྒོ་འབྱེད་རྒྱུ་རེད་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་དད་ལྡན་པ་ ༣༠༠ ལྷག་ལ་མང་མཇལ་སྩལ་བ།
- ལྷོ་ཀོ་རི་ཡའི་མི་སྒེར་གྱི་གནས་ཚུལ་སྲུང་སྐྱོབ་ལྟ་ཞིབ་ཁང་གིས་ཌིབ་སིག་གིས་ལྷོ་ཀོ་རི་ཡའི་མི་ས་ཡ་༡.༥ཡི་གནས་ཚུལ་ཁྲིམས་འགལ་ཐོག་རྐུ་ཁྱེར་བྱེད་བཞིན་པ་གསལ་སྟོན་བྱས་འདུག
- རྒྱ་དཀར་ནག་གཉིས་དབར་འདི་ལོའི་དབྱར་ཁར་རྒྱ་གར་གྱི་གནས་སྐོར་བ་བོད་ནང་གནས་མཇལ་དུ་གཏང་རྒྱུའི་གྲོས་མཐུན་བྱུང་འདུག
- ༸གོང་ས་༸སྐྱབས་མགོན་ཆེན་པོ་མཆོག་གིས་ཤེས་ལྡན་རྒྱ་ནག་མི་སེར་རྣམས་ཀྱིས་བོད་དོན་ཐོག་བསམ་བློ་གཏོང་ཕྱོགས་ནི་བོད་དོན་འཐབ་རྩོད་ཁྲོད་གལ་གནད་ཅན་ཞིག་ཡིན་ཞེས་བཀའ་སྩལ་མཛད་ཀྱི་ཡོད་པ།