ཌལ་ཧོར་ལྔ་བཅུའི་དུས་དྲན།

༄༅།    །རྒྱ་གར་གྱི་Himachal མངའ་སྡེའི་ནང་ཆགས་པའི་ཌལ་ཧོར་བོད་མིའི་གཏན་འཇགས་སློབ་གྲྭ་དེ་བཞིན་༡༩༦༣ལོར་ཐོག་མར་གསར་འཛུགས་གནང་སྟེ། ད་ཆ་ལོ་ལྔ་བཅུ་ཧྲིལ་པོ་འཁོར་གྱི་ཡོད་པ་བཞིན།  ཟླ་བ་འདིའི་ཚེས་༢༨ནས་༣༠བར་ཉིན་གྲངས་གསུམ་རིང་གཏན་སློབ་དབུ་བརྙེས་ནས་ལོ་༥༠འཁོར་བའི་དུས་དྲན་ཟབ་རྒྱས་ངང་སྲུང་བརྩི་ཞུ་རྒྱུའི་གྲ་སྒྲིག་ཞུ་བཞིན་ཡོད་པ་རེད། དབུས་བོད་མིའི་སྒྲིག་འཛུགས་ཀྱི་དྲ་རྒྱའི་ནང་གནས་ཚུལ་སྤེལ་བ་ལྟར་ན། ཌར་ཧོར་གཏན་སློབ་ཀྱིས་ཇི་ལྟར་གསོལ་འདེབས་ཞུ་དོན་ལྟར།  ཕྱི་ཚེས་ ༢༧ ཉིན་༧གོང་ས་༧སྐྱབས་མགོན་ཆེན་པོ་མཆོག་ཌལ་ཧོར་གཏན་སློབ་ཏུ་ཞབས་གསོར་འཁོད་རྒྱུ་ཡིན་པ་རེད། དེ་ཁུལ་གོང་ས་མཆོག་གི་མཛད་འཆར་ནང་། ཚེས་༢༧ཉིན་བཀའ་ཆོས་བསྩལ་རྒྱུ་དང་། ས་གནས་མཐུན་ཚོགས་དང་སློབ་ཟུར་རྣམས་ནས་༧གོང་ས་མཆོག་ལ་བཀའ་དྲིན་གཏང་རག་གི་མནྜལ་འབུལ་ལམ་ཞུ་རྒྱུ་མ་ཟད། ༧གོང་ས་མཆོག་ནས་སློབ་ཟུར་རྣམས་ལ་དམིགས་བསལ་མཇལ་ཁ་དང་བཀའ་སློབ་བསྩལ་གནང་མཛད་རྒྱུ་ཡིན་འདུག  ཕྱི་ཚེས་ ༢༨ ཉིན་དངོས་གཞིའི་མཛད་སྒོའི་སྐབས་༸གོང་ས་མཆོག་གིས་ཌལ་ཧོར་སློབ་གྲྭ་དབུ་བརྙེས་ནས་་ལོ་ལྔ་བཅུ་འཁོར་བའི་དྲན་རྟེན་དུས་དེབ་དབུ་འབྱེད་མཛད་རྒྱུ་ཡིན་འདུག  ལྔ་བཅུའི་དུས་དྲན་གྱི་མཛད་སྒོ་དེའི་ཐོག་སྲིད་སྐྱོང་བློ་བཟང་སེང་གེ་མཆོག་དང་།    བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་རྣམ་གཉིས་ཕེབས་ཞུགས་དང་འབྲེལ་གསུང་བཤད་གནང་རྒྱུ་ཡིན་འདུག།