འབར་མའི་དྲག་པོའི་གཞུང་གིས་མི་དམངས་ཉེན་བརྡ་བཏང༌བ།

༄༅༎འབར་མའི་དྲག་པོའི་གཞུང་གིས་བདུན་འདིའི་རེས་གཟའ་ཉི་མ་ཉིན་གནང་རྒྱུའི་རྒྱལ་ཡོངས་འོས་བསྡུའི་ནང་མི་མང་རྣམས་མཉམ་ཞུགས་མ་གནང་ན་དྲག་པོའི་གཞུང་གིས་གཞུང་འཛིན་མུ་མཐུད་བྱེད་རྒྱུའི་ཉེན་བརྡ་བཏང་ཡོད་པ་རེད།

འབར་མའི་དྲག་པོའི་གཞུང་གིས་འབར་མའི་ཕྱོགས་འགལ་ལས་འགུལ་སྤེལ་མཁན་ཁག་དང་ཕྱི་རྒྱལ་གྱི་གསར་འགྱུར་ལས་ཁང་ཁག་༡༣ལག་འབྲེལ་གྱིས་མི་མང་རྣམས་འོས་བསྡུའི་ནང་མི་ཞུགས་རྒྱུ་དང་ཡུལ་ནང་དཀའ་རྙོགས་བཟོ་རྒྱུའི་ངན་བྱུས་སྤེལ་གྱི་ཡོད་སྐོར་སྐྱོན་བརྗོད་བྱས་ཡོད་པ་རེད།              

འབར་མའི་གཞུང་འབྲེལ་གསར་ཤོག་ཁག་ནང་གལ་སྲིད་འོས་བསྡུའི་ལས་དོན་དེ་མ་བྱུང་བ་ཡིན་ན་མི་མང་གིས་འོས་བསྡུ་བྱས་པའི་གཞུང་ཞིག་མེད་པ་ཆགས་རྒྱུ་ཡིན་སྐོར་གནས་ཚུལ་བཏོན་ཡོད་པ་རེད། ཡང་གསར་ཤོག་དེའི་ནང་གལ་སྲིད་གོང་ཞུས་ཀྱི་གནས་ཚུལ་ལྟར་བྱུང་ཚེ་གཞུང་ཕྱོགས་ནས་ཡུལ་གྱི་སྲུང་སྐྱོབ་ཀྱི་འགན་ལེན་བྱེད་རྒྱུ་དང་འོས་བསྡུ་གཞན་ཞིག་མ་བྱས་པར་ངང་འགུག་བྱེད་དགོས་པ་ལས་མ་འདས་སྟབས་དེའི་ཐད་དུས་ཡུན་རིང་པོ་འགོར་རྒྱུ་ཡིན་སྐོར་གནས་ཚུལ་བཀོད་ཡོད་པ་རེད། ད་ཐེངས་འབར་མའི་དྲག་པོའི་གཞུང་གིས་ཡུལ་གྱི་འོས་བསྡུའི་གནས་དོན་ཐད་རྡིག་བསྐུལ་གྱི་གནས་ཚུལ་ཐོག་མ་དེ་ཆགས་ཀྱི་ཡོད་པ་དང་ཡུལ་གྱི་འོས་བསྡུ་དེར་མི་མང་གིས་ངོ་རྒོལ་གྱི་རྣམ་པའི་ཐོག་ཞུགས་མ་གནང་བའི་ཉེན་ཁ་ཡོད་པའི་གནས་ཚུལ་ཐོག་མ་དེ་གླེང་ཡོད་པ་རེད།