ཧོང་ཀོང་གི་ད་ལྟ་དང་བོད་ཀྱི་མ་འོངས་པའི་གནས་སྟངས།

༄༅། །སྤྱིར་ན་ཧོང་ཀོང་གི་ཛ་དྲག་ཆེ་བའི་སྤྱི་ཚོགས་ཀྱི་གནས་སྟངས་དང་། ལྷག་དོན་ཧོང་ཀོང་དེ་རྒྱ་གཞུང་ལ་རྩིས་སྤྲད་ནས་ལོ ༡༩ ཡི་རྗེས་སུ། ཅིའི་ཕྱིར་དུ་རིམ་བཞིན་ཐལ་དྲགས་པའི་དམངས་གཙོ་ནས། ས་ཁུལ་རིང་ལུགས། ཧོང་ཀོང་རང་བཙན་བཅས་སུ་འཕེལ་བ་རེད་དམ། ཧོང་ཀོང་མི་དམངས་ཀྱི་བསམ་བློ་དེ་ཕྱིར་མེས་རྒྱལ་གྱི་པང་དུ་ལོག་པའི་བདེ་སྐྱིད་མ་ཚོར་གོང་ཡང་ཅིའི་ཕྱིར་ཁ་བྲལ་ལ་ཕྱོགས་པ་རེད། ང་ཚོར་མཚོན་ན་དེ་ལས་བསླབ་བྱ་ལེན་རྒྱུ་ཅི་ཞིག་ཡོད།
རྒྱ་ནག་དབུས་ནས་ས་གནས་བར་ཆགས་པའི་བོད་དོན་དང་སྦྲེལ་བའི་ཁེ་ཕན་ཤོག་ཁག་གིས་བོད་དོན་ལ་ཐེབས་པའི་ཤུགས་རྐྱེན། དེ་བཞིན་དུ་ཉེ་ལམ་ཀྲུའུ་ཝེ་ཆོན་སྐྱོན་ལ་ཐོགས་པའི་གནས་ཚུལ་ཞིག་ཁྱབ་ཡོད་པ་དེ་གཟུགས་མེད་གྲིབ་བཟོ་ཞིག་རེད་དམ་ཡང་ན་རྦ་རླབས་འཕྱུར་དོན་རླུང་ཡོད་པས་ཡིན་པ་ལ་སོགས་པའི་ཐད་ཉམས་ཞིབ་པ་དང་མཉམ་དུ་བགྲོ་གླེང་བྱེད་རྒྱུ་ཡིན།
སྐུ་མགྲོན།
སྐུ་སྒེར་རྒྱ་སྐད་སྡེ་ཚན་གྱི་འགན་འཛིན་ཟུར་པ་འཇམ་དབྱངས་དར་རྒྱས་ལགས་དང་།
བོད་མིའི་སྒྲིག་འཛུགས་ཕྱི་དྲིལ་ལས་ལྷན་ཁང་རྒྱ་སྐད་སྡེ་ཚན་གྱི་རྩོམ་སྒྲིག་པ་ཟུར་པ་སངས་རྒྱས་སྐྱབས་ལགས།
དྷ་སར་ཡོད་པའི་བོད་ཀྱི་འགྲོ་བ་མིའི་ཐོབ་ཐང་དང་དམངས་གཙོ་འཕེལ་རྒྱས་ལྟེ་གནས་ཁང་གི་ཉམས་ཞིབ་པ་ཚེ་རིང་རྒྱལ་ལགས་བཅས་ཡིན།

གསར་འགོད་པ་སྟག་ལྷ་རྒྱལ།