རྒྱ་ནག་ནང་ནད་ཡམས་ཀླད་གོར་གྱི་སྲིད་ཇུས་ལ་ངོ་རྒོལ།

༄༅།།ཐེངས་འདིའི ༼གངས་ལྗོངས་གླེང་སྟེགས༽ཀྱི་སྐབས་སུ་བབ་པའི་གླེང་གཞི་ནི།  ཉེ་ལམ་ཟླ ༡༡ པའི་ཚེས ༢༦ ཉིན་ཐོག་མར་ཧྲང་ཧེ་ནས་ལངས་པའི་རྒྱ་ནག་གཞུང་གི་དུས་ཡུན་རིང་ཞིང་ཐལ་དྲགས་པའི་ནད་ཡམས་ཀླད་གོར་གྱི་སྲིད་ཇུས་ལ་ངོ་རྒོལ་གྱི་ལས་འགུལ་དེའི་བྱུང་རྐྱེན་དང་། རྣམ་པ། འབོད་ཚིག ཁྱབ་རྒྱ། རྒྱ་ནག་གཞུང་གི་རྣམ་འགྱུར་སྟོན་སྟངས་སོགས་གླེང་རྒྱུ་ཡིན་ལ། ཆབས་ཅིག་ཏུ ༨༩ ལོའི་དམངས་གཙོའི་ལས་འགུལ་དང་གཤིབ་བསྡུར་བྱེད་རྒྱུ་དང་། ཞོར་ནས་འདི་ལྟ་བུའི་རྒྱ་ནག་ནང་དུས་ཟིང་ཆེ་བའི་སྐབས་སུ་རང་རེའི་བོད་པའི་སྤྱི་ཚོགས་ཀྱིས་ལངས་ཕྱོགས་ཅི་ཞིག་འཛིན་དགོས་པ་དང་། གྲ་སྒྲིག་ཅི་ཞིག་བྱེད་དགོས་པའི་སྐོར། བོད་དོན་ཉམས་ཞིབ་པ་དང་རྩོམ་པ་པོ་ལྷ་སྡེ་གནམ་ལོ་ཡག་དང་མཉམ་དུ་སྟག་ལྷ་རྒྱལ་གྱིས་བགྲོ་གླེང་ཞུས་པར་གསན་རོགས་གནོངས།།
གསར་འགོད་པ། སྟག་ལྷ་རྒྱལ།
དྲ་ཐོག་སྤེལ་མཁན། ཡེ་ཤེས་བཀྲ་ཤིས།