ས་མཚམས་དང་༧གོང་ས་མཆོག་ལ་ཁ་གཡོག

རྒྱ་ནག་གིས་རྒྱ་ནག་དང་རྒྱ་གར་རྒྱལ་ཁབ་གཉིས་དབར་གྱི་ས་མཚམས་ཀྱི་དཀའ་རྙོག་བཟོ་མཁན་གཙོ་བོ་༧གོང་ས་མཆོག་དང་ཁོང་ལ་རྒྱབ་སྐྱོར་བྱེད་མཁན་ཚོ་ཡིན་ལུགས་སྐྱོན་བརྗོད་བྱས་འདུག

དེ་ཡང་རྒྱ་གར་གྱི་སྲིད་བློན་མཆོག་རྒྱ་ནག་ནང་ཉིན་གསུམ་རིང་གཟིགས་སྐོར་ཕེབས་པ་དང་བསྟུན་རྒྱ་ནག་གིས་པར་བསྐྲུན་བྱས་པའི་རྒྱབ་ཤ་དཀར་པོ་ཞེས་པའི་སྙན་ཐོའི་ནང་། ཕྱི་ལོ་༡༩༥༩ལོར་གྱེན་ལངས་ལམ་ལྷོང་མ་བྱུང་བའི་རྗེས་༧གོང་ས་མཆོག་དང་ཕྱོགས་གཏོགས་པ་ཚོས་རྒྱ་ནག་གི་ས་མཚམས་སུ་བརྡབ་གསིག་སླང་ཡོད་ལུགས་བཤད་ཡོད་པ་དང་། དེའི་ཐད་གནད་དོན་དབྱེ་ཞིབ་པ་ཚོས།  སྲིད་བློན་མན་མོ་ཧན་སིངྒ་གི་གཟིགས་སྐོར་སྐབས་༧གོང་ས་མཆོག་རྒྱ་གར་བཞུགས་བཞིན་པའི་གནད་དོན་གླེང་སློང་དང་སྦྲགས་རྒྱ་གར་ནང་རྒྱ་ནག་ལ་གནོད་པའི་ལས་འགུལ་རིགས་བཀག་སྡོམ་གྱི་དགོས་འདུན་བཏོན་རྒྱུ་ཡིན་པ་དབྱེ་ཞིབ་བྱས་འདུག